Feitos:
O día 12 de marzo de 2025 tivo entrada nesta unidade a solicitude para a inscrición no Rexistro de convenios colectivos, acordos colectivos de traballo e plans de igualdade da acta da Comisión Paritaria do Convenio colectivo galego de centros especiais de emprego en que se procedeu á actualización das táboas salariais para o ano 2025.
Consideracións legais e técnicas:
Primeiro. A Secretaría Xeral de Emprego e Relacións Laborais ten atribuídas, entre outras funcións, as competencias que, como autoridade laboral, lle corresponden á consellería, de conformidade co disposto no Decreto 147/2024, do 20 de maio, polo que se establece a estrutura orgánica da Consellería de Emprego, Comercio e Emigración.
Segundo. De acordo co artigo 25 do citado Decreto 147/2024, a Secretaría Xeral de Emprego e Relacións Laborais é o órgano competente de coordinación dos rexistros administrativos de eleccións sindicais, de asociacións empresariais e sindicais, de convenios colectivos (Rexcon) e de empresas acreditadas para intervir no proceso de contratación no sector da construción (REA).
Terceiro. O artigo 8 do Real decreto 713/2010, do 28 de maio, sobre rexistro e depósito de convenios e acordos colectivos de traballo, regula o procedemento de inscrición de solicitudes de rexistro e convenios e acordos colectivos de traballo e establece que a autoridade laboral competente procederá a ditar resolución ordenando o seu rexistro, depósito e publicación no boletín oficial correspondente.
Revisada a documentación achegada e tendo en conta a normativa aplicable, esta Secretaría Xeral de Emprego e Relacións Laborais, na súa condición de autoridade laboral,
RESOLVE:
Primeiro. Ordenar o depósito e a inscrición no Rexistro de convenios e acordos colectivos de traballo e plans de igualdade da acta da Comisión Paritaria do Convenio colectivo galego de centros especiais de emprego en que se procedeu á actualización das táboas salariais para o ano 2025.
Segundo. Dispoñer a súa publicación no Diario Oficial de Galicia.
Contra esta resolución, que non pon fin á vía administrativa, poderase interpoñer recurso de alzada ante o conselleiro de Emprego, Comercio e Emigración no prazo dun mes contado desde o día seguinte ao da súa publicación no Diario Oficial de Galicia, de conformidade co establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 26 de marzo de 2025
Pablo Fernández López
Secretario xeral de Emprego e Relacións Laborais
ANEXO
Acta da Comisión Paritaria do Convenio colectivo galego
de centros especiais de emprego
En Santiago de Compostela, ás 11.30 horas do día 11 de marzo de 2025, na sede do Consello Galego de Relacións Laborais, sito na rúa Algalia de Abaixo, 24, baixo, reúnense as persoas abaixo sinaladas, que forman parte da Comisión Paritaria do Convenio colectivo galego de centros especiais de emprego.
Parte empresarial:
– Ignacio Rodríguez Saez (CEGASAL).
– Naiara Goicoechea Montero, (CEGASAL).
– Esther Blanco Araujo (CEGASAL).
– Ana Traba Fiúza (CEGASAL).
– Juan Acevedo Vidal (CEGASAL).
Parte sindical:
– Tania Alonso Soto (CCOO).
– Ruth Durán Pitart (CCOO).
– Juan Manuel Loureiro Taibo (UGT).
– Manuel Anxo Gil Canabal (UGT).
O obxecto da xuntanza é a actualización das táboas salariais do Convenio colectivo galego de centros especiais de emprego correspondentes ao ano 2025.
Logo do oportuno debate procede reflectir na acta o seguinte:
Primeiro. Esta comisión acorda actualizar as táboas salariais do Convenio colectivo galego de centros especiais de emprego para o ano 2025, cun incremento salarial do 2,80 %, quedando estas como segue a continuación:
Táboa I. Centros especiais de emprego de iniciativa social e empredemento colectivo.
|
Subida |
2,80 % |
|
Táboa CO.CO CEEIS |
Salario base actual por convenio 2024 |
2025 |
|
|
Grupo I. Persoal directivo |
Persoal directivo |
1.895 € |
1.948 € |
|
Grupo II. Persoal titulado |
Persoal titulado nivel 3 |
1.776 € |
1.826 € |
|
Persoal titulado nivel 2 |
1.540 € |
1.583 € |
|
|
Grupo III. Persoal técnico |
Persoal técnico superior nivel 1 |
1.421 € |
1.461 € |
|
Persoal técnico |
1.172 € |
1.205 € |
|
|
Persoal técnico auxiliar |
1.107 € |
1.138 € |
|
|
Grupo IV. Persoal operario |
Persoal operario/auxiliar |
1.107 € |
1.138 € |
Táboa II. Centros especiais de emprego que non sexan de iniciativa social e empredemento colectivo.
|
Subida |
2,80 % |
|
Táboa CO.CO CEEIS |
Salario base actual por convenio 2024 |
2025 |
|
|
Grupo I. Persoal directivo |
Persoal directivo |
2.311 € |
2.376 € |
|
Grupo II. Persoal titulado |
Persoal titulado nivel 3 |
2.167 € |
2.228 € |
|
Persoal titulado nivel 2 |
1.878 € |
1.930 € |
|
|
Grupo III. Persoal técnico |
Persoal técnico superior nivel 1 |
1.733 € |
1.782 € |
|
Persoal técnico |
1.451 € |
1.492 € |
|
|
Persoal técnico auxiliar |
1.351 € |
1.389 € |
|
|
Grupo IV. Persoal operario |
Persoal operario/auxiliar |
1.351 € |
1.389 € |
Segundo. As partes acordan delegar no persoal habilitado do Consello Galego de Relacións Laborais a realización dos trámites de rexistro, depósito e publicación do presente acordo ante a autoridade laboral competente.
Non tendo máis asuntos que tratar, levántase a reunión, sendo as 12.30 horas do día sinalado no encabezamento, estendéndose, para o efecto, a presente acta, que asinan en proba de conformidade todas as persoas asistentes.