Mediante a Orde do 14 de febreiro de 2025, publicada no Diario Oficial de Galicia número 37, do 24 de febreiro, convocouse a provisión, polo sistema de libre designación, de varios postos de traballo no Fondo Galego de Garantía Agraria que se detallan no anexo desta orde.

De conformidade co establecido no artigo 92 da Lei 2/2015, do 29 de abril, do emprego público de Galicia, e no artigo 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, e no uso das atribucións conferidas polo artigo 17.2.c) da citada lei,

DISPOÑO:

Primeiro. Resolver a convocatoria pública efectuada pola Orde desta consellería, do 14 de febreiro de 2025, e designar as persoas funcionarias, cuxos datos se sinalan no anexo desta orde, para ocuparen os postos que tamén se especifican.

Segundo. O cesamento no actual destino efectuarase, segundo o previsto no artigo 8 do Regulamento dos procedementos de mobilidade do persoal funcionario de carreira, aprobado polo Decreto 151/2022, do 4 de agosto, no prazo de tres días contados a partir do seguinte ao da publicación no Diario Oficial de Galicia, ou segundo o establecido na normativa de aplicación na súa Administración de orixe.

A toma de posesión da praza adxudicada deberase realizar no prazo dos tres días seguintes ao do cesamento, se non implica cambio de residencia, ou de sete días, se comporta cambio de residencia. Cando o/a adxudicatario/a do posto obteña coa súa toma de posesión o reingreso ao servizo activo, o prazo será dun mes.

O cómputo dos prazos de toma de posesión iniciarase cando rematen os permisos ou licenzas que, de ser o caso, se concedesen á persoa; no caso de incapacidade temporal, a partir da data da alta.

Terceiro. A Xefatura de Persoal do centro en que cause baixa o/a funcionario/a, así como a daquel en que obteña destino, efectuarán, dentro do prazo sinalado no punto anterior, as correspondentes dilixencias de cesamento e de toma de posesión, das cales se dará traslado á Dirección Xeral da Función Pública.

Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición, ante a conselleira do Medio Rural, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente, ante o xulgado do contencioso-administrativo competente, no prazo de dous meses contados desde a mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 19 de maio de 2025

María José Gómez Rodríguez
Conselleira do Medio Rural

ANEXO

Apelidos e nome: Gómez Pérez, José Luis.

NIF: ***0173**.

Grupo: A1.

Corpo/escala: facultativo superior, escala de enxeñeiros/as, especialidade de enxeñaría agronómica.

Denominación do posto: Xefatura do Servizo de Auditoría Interna.

Código: MR.O11.00.000.15770.031.

Nivel: 28.

Dependencia: Dirección do Fogga.

Localidade: Santiago de Compostela.

Apelidos e nome: Ferreiro Fente, José Manuel.

NIF: ***4557**.

Grupo: A1.

Corpo/escala: facultativo superior, escala de enxeñeiros/as, especialidade de enxeñaría agronómica.

Denominación do posto: Xefatura de Servizo Territorial.

Código: MR.O19.10.000.27001.001.

Nivel: 28.

Dependencia: Servizo Territorial de Lugo (Fogga).

Localidade: Lugo.

Apelidos e nome: López Villaverde, María Soledad.

NIF: ***1551**.

Grupo: A2.

Corpo/escala: facultativo de grao medio, escala de enxeñeiros/as técnicos/as, especialidade enxeñaría técnica agrícola.

Denominación do posto: Xefatura de Servizo Territorial.

Código: MR.O19.10.000.36001.001.

Nivel: 28.

Dependencia: Servizo Territorial de Pontevedra (Fogga).

Localidade: Pontevedra.