Convocada pola Resolución do 21 de marzo de 2025 (DOG núm. 62, do 31 de marzo) a provisión, polo sistema de libre designación, de dous postos de xefe/a de Unidade de Atención Primaria, esta xerencia, de conformidade co previsto no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde da Consellería de Sanidade, do 24 de maio de 2006 (DOG núm 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en exercicio das competencias que ten atribuídas,

ACORDA:

Primeiro. Resolver a convocatoria pública para a provisión de dous postos de persoal licenciado sanitario (xefe/a de Unidade de Atención Primaria), anunciada pola Resolución do 21 de marzo de 2025 (DOG núm. 62, do 31 de marzo).

Segundo. Nomear, nos postos que se indican, as persoas citadas no anexo desta resolución.

Terceiro. Contra esta resolución poderá interpoñerse, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.

Vigo, 20 de maio de 2025

Francisco Javier Puente Prieto
Xerente da Área Sanitaria de Vigo

ANEXO

Posto de traballo: xefe/a da Unidade de Atención Primaria de Mos.

Nome e apelidos: Carolina Blanco Estévez.

DNI: ***0057**.

Posto de traballo: xefe/a da Unidade de Atención Primaria de Taboada Leal.

Nome e apelidos: María Begoña Porritt Lueiro.

DNI: ***4601**.