Mediante a Orde do 10 de abril de 2025 (Diario Oficial de Galicia número 82, do 30 de abril) establecéronse as bases reguladoras e convocouse o procedemento para adxudicar o uso de instalacións xuvenís para a realización de programas de lecer educativo e tempo libre durante a campaña de verán 2025 para colectivos xuvenís, nos termos establecidos na orde e coa distribución de prazas recollida no anexo I desta.

De conformidade co disposto no artigo 9.5 da dita orde de convocatoria, o órgano competente para resolver é a persoa titular da Dirección Xeral de Xuventude, por delegación da persoa titular da Consellería de Cultura, Lingua e Xuventude.

Así mesmo, o artigo 10 da citada orde establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento. Esta publicación producirá os efectos de notificación.

Tras a instrución do procedemento, con data do 2 de xuño de 2025 o órgano competente emite a resolución que finaliza o procedemento de adxudicación do uso de instalacións xuvenís para a realización de programas de lecer educativo e tempo libre durante a campaña de verán 2025.

Polo exposto,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 2 de xuño de 2025, ditada no procedemento BS304A, relativa á adxudicación do uso de instalacións xuvenís ao abeiro da Orde do 10 de abril de 2025 pola que se convoca o procedemento para a concesión do uso de instalacións xuvenís para a realización de programas de lecer educativo e tempo libre durante a campaña de verán 2025 para colectivos xuvenís (código de procedemento BS304A), que se xunta como anexo desta resolución.

Segundo. Comunicar que a Resolución do 2 de xuño de 2025 que finaliza este procedemento esgota a vía administrativa e contra ela pode interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados a partir do día seguinte ao da súa notificación a través desta publicación no Diario Oficial de Galicia.

Non obstante, poderá interpoñerse potestativamente recurso de reposición, ante o mesmo órgano que a ditou, no prazo dun mes contado a partir do día seguinte ao da súa notificación a través desta publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 2 de xuño de 2025

Lara del Carmen Meneses Álvarez
Directora xeral de Xuventude

ANEXO

Resolución do 2 de xuño de 2025, ditada no procedemento BS304A, relativa á adxudicación do uso de instalacións xuvenís ao abeiro da Orde do 10 de abril de 2025 pola que se convoca o procedemento para a concesión do uso de instalacións xuvenís para a realización de programas de lecer educativo e tempo libre durante a campaña de verán 2025 para colectivos xuvenís (código de procedemento BS304A).

Mediante a Orde do 10 de abril de 2025 (Diario Oficial de Galicia núm. 82, do 30 de abril) establecéronse as bases reguladoras e convocouse o procedemento para adxudicar o uso de instalacións xuvenís para a realización de programas de lecer educativo e tempo libre durante a campaña de verán 2025 para colectivos xuvenís, nos termos establecidos na orde e coa distribución de prazas recollida no anexo I desta.

Unha vez comprobadas as solicitudes polo Instituto da Xuventude de Galicia, órgano instrutor do procedemento, a Comisión de Valoración prevista no artigo 9 avaliou as solicitudes admitidas a trámite de acordo cos criterios de adxudicación e pola orde de preferencia e prioridade que se recollen no artigo 8.

Á vista do expediente e do informe da Comisión de Valoración, o órgano instrutor formulou a proposta de resolución conforme o regulado no artigo 9.

Esta Dirección Xeral de Xuventude é competente para resolver, por delegación da persoa titular da consellería competente en materia de xuventude, segundo o disposto no artigo 9.5 da Orde do 10 de abril de 2025.

Con base no exposto,

RESOLVO:

Primeiro. Adxudicar o uso temporal de instalacións xuvenís para a realización de programas de lecer educativo e tempo libre durante a campaña de verán 2025 para colectivos xuvenís ás entidades relacionadas no anexo I, nos termos que se expoñen na devandita relación.

Segundo. Denegar o uso de instalacións xuvenís para a realización de programas de lecer educativo e tempo libre durante a campaña de verán 2025 para colectivos xuvenís ás entidades relacionadas no anexo II, por aplicación dos criterios de preferencia e prioridade recollidos no artigo 8.

Terceiro. As entidades adxudicatarias deberán cumprir as obrigas previstas nos artigos 12, 14 e 15 da Orde do 10 de abril de 2025.

A documentación indicada nos citados artigos deberá presentarse electronicamente e dirixirse ao Servizo de Xuventude e Voluntariado correspondente á provincia en que estea a instalación adxudicada, conforme o sinalado nos artigos 7, 12 e 14 da orde.

Se, transcorridos os prazos que se indican nos citados artigos, non se cumpren as obrigas correspondentes, logo do trámite de audiencia da entidade interesada, declararase a perda do dereito á instalación adxudicada, a través da oportuna resolución que será ditada nos termos do artigo 21 da Lei 39/2015, do 1 de outubro, do procedemento administrativo común das administracións públicas.

Conforme o disposto no artigo 16 da orde, a autorización poderá ser revogada unilateralmente en calquera momento polo órgano que a outorgou, sen xerar dereito a indemnización, no caso de incumprimento das obrigas polas entidades ou grupos beneficiarios ou se producen danos no dominio público, impiden a súa utilización para actividades de maior interese público, menoscaban o uso xeral ou cando os bens sexan necesarios para as actividades propias da Administración xeral da Comunidade Autónoma de Galicia ou das súas entidades públicas instrumentais.

Cuarto. Esta resolución esgota a vía administrativa e contra ela pode interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, no prazo de dous meses que comezará a contar desde o día seguinte ao da súa publicación no Diario Oficial de Galicia.

Non obstante, poderá interpoñerse potestativamente recurso de reposición, ante o mesmo órgano que a ditou, no prazo dun mes, que comezará a contar a partir do día seguinte ao da súa publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Quinto. A publicación desta resolución producirá os efectos de notificación, nos termos establecidos no artigo 10 da Orde do 10 de abril de 2025 e no artigo 45 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 2 de xuño de 2025. O conselleiro de Cultura, Lingua e Xuventude. P.D. (Artigo 9 da Orde do 10.4.2025), Lara del Carmen Meneses Álvarez, directora xeral de Xuventude

ANEXO I

Procedemento BS304A

Entidades adxudicatarias:

Expediente	Entidade adxudicataria	Localidade	Instalación adxudicada	Datas	Prazas
2025/9	Asociación Cultural Escola de Música de Rianxo	Rianxo (A Coruña)	A.X. Mariña Española	25.6-28.6	80
2025/12	Asociación Cultural, Deportiva e Xuvenil Acuxuve	Vedra (A Coruña)	A.X. Mariña Española	1.9-5.9	50
2025/17	Arenaria Coordinación, S.L.	Padrón (A Coruña)	A.X. Mariña Española	1.9-6.9	35
2025/3	Concello de Negreira	Negreira (A Coruña)	C.X. Virxe de Loreto	26.8-4.9	50
2025/15	Concello de Touro	Touro (A Coruña)	C.X. Virxe de Loreto	26.8-4.9	45
2025/25	Xuncas Diversia	Lugo (Lugo)	C.X. Virxe de Loreto	27.8-30.8	25
2025/16	Concello de Lalín	Lalín (Pontevedra)	C.X. Espiñeira	26.8-4.9	30
2025/10	Asociación LIMISI	Xinzo de Limia (Ourense)	A.X. Area	21.6-29.6	21
2025/7	Asociación Cultural Xeración	Ferrol (A Coruña)	A.X. Area	21.6-29.6	20
2025/6	Concello de San Cibrao das Viñas	San Cibrao das Viñas (Ourense)	A.X. Area	21.6-28.6	59
2025/2	Asociación Medioambiental Amabul	Vedra (A Coruña)	A.X. Benigno Quiroga	21.8-28.8	30
2025/14	Concello da Estrada	A Estrada (Pontevedra)	C.X. A Devesa	26.8-4.9	70
2025/11	Asociación Cultural Os Tres Reinos	A Mezquita (Ourense)	C.X. A Devesa	26.8-4.9	30
2025/20	Asociación Galega de Familias de Acollida Acougo	Santiago de Compostela (A Coruña)	C.X. Os Chacotes	26.8-4.9	45
2025/23	Espazo Aberto Galiza pola Amizade entre os Pobos	Santiago de Compostela (A Coruña)	C.X. Penedos de Xacinto	26.8-4.9	80
2025/13	Asociación Cultural e Xuvenil Muíños	Boqueixón (A Coruña)	A.X. As Sinas	21.6-29.6	120
2025/8	Asociación Solidaria en Actividade de Ocio e Tempo Libre Mar do Touro	Ribeira (A Coruña)	C.X. Pontemaril	26.8-1.9	58
2025/21	Concello da Baña	A Baña (A Coruña)	C.X. Pontemaril	26.8-4.9	20
2025/19	Organización Juvenil Española	A Coruña (A Coruña)	C.X. Illa de Ons	21.8-28.8	60

ANEXO II

Procedemento BS304A

Entidades non adxudicatarias:

Expediente	Entidades non adxudicatarias	Motivo
2025/5	Club Polideportivo Esclavas	Aplicación dos criterios de preferencia e prioridade regulados no artigo 8 da orde
2025/18	Concello de Boqueixón	Aplicación dos criterios de preferencia e prioridade regulados no artigo 8 da orde
2025/22	Asociación Banda de Música Cultural de Teo	Aplicación dos criterios de preferencia e prioridade regulados no artigo 8 da orde
2025/24	Concello de Viana do Bolo	Aplicación dos criterios de preferencia e prioridade regulados no artigo 8 da orde