DOG 107 do 6/6/2025 - ACORDO do 8 de maio de 2025, do Departamento Territorial da Coruña, polo que se somete a información pública a modificación das autorizacións administrativas previa, de construción e declaración de utilidade pública, en concreto, dunha instalación de distribución eléctrica no concello de Oleiros (expediente IN407A 2022/378-1).

VI. Anuncios

a) Administración autonómica

Consellería de Economía e Industria

ACORDO do 8 de maio de 2025, do Departamento Territorial da Coruña, polo que se somete a información pública a modificación das autorizacións administrativas previa, de construción e declaración de utilidade pública, en concreto, dunha instalación de distribución eléctrica no concello de Oleiros (expediente IN407A 2022/378-1).

Expediente: IN407A 2022/378-1.

Solicitante/promotora: UFD Distribución Electricidad, S.A.

Denominación: LMT, CT e RBT Tileiros (Oleiros).

Concello: Oleiros.

1. Antecedentes.

O 16.3.2023 a Xefatura Territorial da Consellería de Economía, Industria e Innovación ditou resolución pola que se concederon as autorizacións administrativas previa, de construción e declaración de utilidade pública do proxecto LMT, CT e RBT Tileiros (Oleiros).

O 16.7.2024 a empresa promotora presenta a solicitude de modificación do proxecto autorizado motivada polo condicionado técnico sinalado polo Concello de Oleiros que obriga á retirada do centro de transformación. Esta modificación técnica supón o aumento da superficie afectada. A empresa promotora achegou, coa documentación da solicitude de modificación da autorización concedida, unha nova relación de bens e dereitos afectados.

2. As características técnicas da instalación son as seguintes:

– LMTS a 15 kV, de 2×242m (E/S) m, condutor tipo RHZ1-2OL 12/20 kV 1×240 mm2 Al, con orixe e remate en PAR proxectada en LMT SAD709 (IN407A 2018/26-1), procedente da Subestación Sada, facendo E/S no CTC proxectado.

– CT compacto prefabricado no lugar de Tileiros, cunha potencia de 250 kVA, unha relación de transformación de 15.000/400-230 V e configuración 2L+1P.

3. Lexislación de aplicación:

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Resolución do 19 de febreiro de 2014, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará a disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, núm. 2, 2º andar, 15071 A Coruña), entre as 9.00 e as 14.00 horas, de luns a venres, así como no taboleiro de anuncios do concello. Ademais, poderá consultarse no portal de transparencia e goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica, e, de ser o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.

A Coruña, 8 de maio de 2025

Isidoro Martínez Arca
Director territorial da Coruña

ANEXO

LMT, CT e RBT Tileiros (Oleiros)

Relación de bens e dereitos afectados, concello de Sada

Predio proxecto

Persoa propietaria/titular

Referencia catastral

Lugar

Afección de solo pleno dominio

Afección de solo por

servidume de paso de enerxía eléctrica

Natureza do terreo

Apoio núm.

Superficie (m2)

Lonxitude (m)

Superficie (m2)

Pilar Sanjurjo Sáez

Polígono 17-Parcela 67

Cova

CT e acceso

27,55

Rústico/Agrario