Resolución nº 1080/2025, do 23 de abril de 2025, do Concello de Arteixo (A Coruña) referente á convocatoria e bases do proceso de selección para a cobertura dunha praza de policía local por mobilidade.

No Boletín Oficial da provincia da Coruña núm. 80, do 29 de abril de 2025, publicáronse integramente as bases que deberán rexer a convocatoria do proceso de provisión dunha praza vacante de policía local, en quenda de mobilidade, polo procedemento de concurso, incluída na OEP 2025.

O prazo de presentación de instancias será de vinte (20) días hábiles contados a partir do seguinte ao da publicación deste anuncio no BOE.

Os sucesivos anuncios relacionados con esta praza publicaranse no Boletín Oficial da provincia da Coruña e no taboleiro de edictos do Concello de Arteixo (A Coruña).

Arteixo, 29 de abril de 2025

Carlos Calvelo Martínez
Alcalde presidente