A Xunta de Goberno Local, en sesión ordinaria que tivo lugar o 5 de maio de 2025, acordou aprobar o texto inicial do Convenio urbanístico de execución de planeamento entre o Concello de Carballo e os propietarios da parcela coa referencia catastral 5456926NH2855N0000JX, para a cesión da superficie de terreo de 3.604 m² que se corresponden co tramo viario «SX-VI1d Pb int» e que forman parte da dita parcela catastral.

Polo que se somete o texto do dito convenio ao trámite de información pública polo prazo dun mes mediante anuncio no Diario Oficial de Galicia e nun dos xornais de maior difusión da provincia, co fin de que as persoas que se consideren afectadas por este poidan examinar o documento e deducir, de ser o caso, as alegacións ou observacións que xulguen oportunas.

O documento estará á disposición das persoas interesadas na Oficina Técnica Municipal, das 10.00 ás 12.30 horas, na sede electrónica deste concello (no taboleiro de anuncios na seguinte ligazón: https://sede.carballo.gal/sxc/es/informacion/).

Carballo, 9 de maio de 2025

Evencio Ferrero Rodríguez
Alcalde