As bases que regulan a convocatoria do proceso selectivo para cubrir en propiedade unha praza vacante de persoal funcionario do Concello de Gondomar publicáronse no Boletín Oficial da provincia de Pontevedra (BOP) número 105, do 4 de xuño de 2025:
• Unha praza de coordinador/a dos servizos administrativos, pertencente á escala de administración xeral, subescala técnica, e integrada no grupo A1, polo sistema de oposición por quenda libre.
O prazo de presentación de solicitudes será de vinte (20) días hábiles, contados a partir do día seguinte ao da publicación da convocatoria no Boletín Oficial del Estado.
Os sucesivos anuncios referentes a esta convocatoria, cando proceda de conformidade coas bases de selección, faranse públicos na forma prevista nas propias bases da convocatoria.
Gondomar, 4 de xuño de 2025
Paco Ferreira González
Alcalde