No Diario Oficial de Galicia núm. 197, do 29 de setembro de 2020, publícase o Decreto 165/2020, do 17 de setembro, polo que se regula o deporte de alto nivel, de alto rendemento e de rendemento deportivo de base de Galicia, a través do cal, no seu artigo 39, se recoñecen os núcleos de adestramento deportivo especializado como o conxunto de medios humanos e materiais xestionados por unha federación deportiva, club deportivo ou sociedade anónima deportiva inscritos no Rexistro de Entidades Deportivas de Galicia que teña por finalidade a preparación técnico-deportiva orientada ao alto nivel ou ao alto rendemento deportivo.

A través da Orde do 23 de xuño de 2021 pola que se establecen os criterios técnico-deportivos para a obtención das condicións de persoa deportista de alto nivel, alto rendemento deportivo e rendemento deportivo de base, e os criterios deportivos para o recoñecemento dos núcleos de adestramento deportivo especializado, determínanse, no artigo 7, os criterios deportivos para os núcleos de adestramento especializado.

Os proxectos recoñecidos correspóndense co interese estratéxico deportivo da propia Comunidade Autónoma, encamiñado á participación dos deportistas galegos e das deportistas galegas en xogos olímpicos ou paralímpicos, campionatos do mundo, campionatos de Europa e outras competicións internacionais de máximo nivel.

Na súa consecuencia, atendendo á proposta da Secretaría Xeral para o Deporte, do 9 de maio de 2025, con base nos acordos adoptados pola Comisión galega de avaliación do alto nivel deportivo, esta Consellería de Presidencia, Xustiza e Deportes, con base no anteriormente exposto,

RESOLVE:

Artigo único

Dar publicidade á relación dos núcleos de adestramento deportivo especializado que foron recoñecidos ata o momento pola Consellería de Presidencia, Xustiza e Deportes, así coma o período de vixencia do seu recoñecemento. A relación incorpórase no anexo desta resolución.

Santiago de Compostela, 9 de xuño de 2025

Diego Calvo Pouso
Conselleiro de Presidencia, Xustiza e Deportes

ANEXO

Núcleos de adestramento deportivo especializado (Nades)

	Entidade	Resolución	Vixencia	Modalidade	Concello
1	Federación Galega de Hóckey	29.11.2021	29.11.2025	Hóckey	Ourense
2	Club Kayak Tudense	29.11.2021	29.11.2025	Piragüismo	Tui
3	Federación Galega de Surf	29.11.2021	29.11.2025	Surf	Vigo
4	Club Boxeo Kickboxing Coruña	29.11.2021	29.11.2025	Boxeo Kickboxing	A Coruña
5	Federación Galega de Squash, Squash Club Santiago	29.11.2021	29.11.2025	Squash	Vigo-Santiago de Compostela
6	Club Halterofilia Coruña	25.5.2022	25.5.2026	Halterofilia	A Coruña
7	Real Club Deportivo Coruña	19.1.2023	19.1.2027	Fútbol	A Coruña
8	Club Taekwondo Sport Videlgi	17.1.2023	17.1.2027	Taekwondo	Ribeira
9	Club Fluvial de Lugo	22.11.2023	22.11.2027	Piragüismo	Lugo
10	Federación Galega de Karate e D.A.	22.11.2023	22.11.2027	Karate	Santiago de Compostela
11	Club de Loitas Olímpicas Vilalba	22.11.2023	22.11.2027	Loita	Vilalba
12	Federación Galega de Atletismo, Club Santa Uxía de Ribeira	29.1.2025	29.1.2029	Atletismo	Ribeira
13	Club de Ximnasia Universidade da Coruña, Terra Sports Academy	29.1.2025	29.1.2029	Ximnasia	A Coruña