O Pleno do Concello de Salceda de Caselas, en sesión do 24 de abril de 2025, adoptou o seguinte acordo:

Aprobar definitivamente o estudo de detalle presentado por Promociones Lagoela-Madrid, S.L. para a ordenación de volumes nunha parcela na confluencia das rúas Joaquín Fernández Sestelo e Lagoela.

Publicar o acordo de aprobación definitiva no Diario Oficial de Galicia, e o texto dos documentos que o integran, así como o índice de planos do estudo de detalle no Boletín Oficial da provincia.

Notificar este acordo ás persoas propietarias e demais persoas interesadas directamente afectados polo estudo de detalle.

Comunicar á consellería competente en materia de urbanismo a aprobación do estudo de detalle, á vez que se lle dá traslado dun exemplar en soporte dixital, debidamente dilixenciado, co fin de ser inscrito no Rexistro de Plan Urbanístico de Galicia.

Facultar a Alcaldía para subscribir e asinar toda clase de documentos e, en xeral, para todo o relacionado con este asunto.

Contra este acordo poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde o día seguinte ao da publicación deste anuncio.

Salceda de Caselas, 13 de xuño de 2025

Mª Dolores Castiñeira Alén
Alcaldesa