Ao non ser posible a práctica da notificación aos titulares das referencias catastrais que se relacionan a continuación por causas non imputables a esta administración, de conformidade co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e intentada a notificación ás persoas responsables sen que fose posible efectuala por razóns non imputables ao Concello de Pontecesures, mediante este anuncio ponse de manifesto o incumprimento por parte das persoas responsables que a continuación se indican da obriga de xestión da biomasa e/ou retirada de especies arbóreas prohibidas en relación coas parcelas que se describen, imposta polo artigo 22.1 da Lei 3/2007, do 9 de abril, de prevención e defensa contra os incendios forestais de Galicia:

Nº de expediente	Referencia catastral	Localización	Titular
106/2024	36044A001001150000ZS	Polígono 1, parcela 115	Rosa Pérez Gil
	36044A001001170000ZU	Polígono 1, parcela 117
	36044A001004200000ZL	Polígono 1, parcela 420
814/2024	36044A004001860000ZQ	Polígono 4, parcela 186
1465/2024	36044A008011690000ZD	Polígono 8, parcela 1169
859/2024	36044A008007890000ZB	Polígono 8, parcela 789	Mercedes Magariños Grela
	36044A008007910000ZA	Polígono 8, parcela 791	Marcelino Portas Magariños
	36044A008007920000ZB	Polígono 8, parcela 792	Josefa Magariños González
1465/2024	36044A008011730000ZX	Polígono 8, parcela 1173	Ramón Miniño Gasamanes
1456/2024	36044A001000920000ZW	Polígono 1, parcela 92 en Condide	María Luisa Jamardo Doce (agora propietario descoñecido)
1605/2024	36044A008008570000ZQ	Polígono 8, parcela 857	Mercedes Fernández Cordal
448/2025	36044A004005690000ZP	Polígono 4, parcela 569	Herdeiros de Alfonso Refojo Loureiro
	8493208NH2289S0001MS	Avenida de Arousa, 25[A]

A eficacia deste acto quedará demorada ata a publicación do pertinente anuncio no Boletín Oficial del Estado (BOE). Así mesmo, ponse en coñecemento da persoa responsable que o contido íntegro da citada notificación, así como da totalidade do expediente administrativo, está á súa disposición nas oficinas municipais do Concello de Pontecesures.

Comunícase que as persoas responsables dispoñen dun prazo voluntario de quince (15) días naturais para xestionaren a biomasa na parcelas indicadas.

Transcorrido o dito prazo, e no caso de persistencia no incumprimento, procederase á execución subsidiaria con repercusión na propiedade dos custos de xestión da biomasa, e, de ser o caso, o comiso das especies arbóreas prohibidas retiradas pola Administración, ou á imposición de multas coercitivas reiteradas cada tres meses, cuxa contía será de 900 euros por hectárea de superficie de parcela non xestionada, ou a parte proporcional se a área for inferior, mentres persista o incumprimento. En todo caso, a contía mínima que se vai impoñer por multa coercitiva será de 100 euros, con independencia das hectáreas que integren a superficie da parcela non xestionada, sen prexuízo da instrución do procedemento sancionador que corresponda pola comisión dunha infracción leve tipificada no artigo 50.2.1 da Lei 3/2007, sancionable con ata 1.000 € segundo establece o artigo 74 da Lei 43/2003, do 21 de novembro, de montes, no que se poderán adoptar medidas de carácter provisional, consistentes en traballos preventivos de xestión da biomasa e retirada de especies arbóreas co obxecto de evitar os incendios forestais e o comiso das indicadas especies.

A Administración poderá iniciar a execución subsidiaria en calquera momento dentro dos catro anos posteriores ao transcurso do prazo máximo concedido, en función das súas posibilidades materiais e orzamentarias, e sempre que se manteña o incumprimento.

Ademais, advírteselles que o incumprimento da xestión da biomasa conforme o artigo 21.ter da Lei 3/2007 poderá supoñer a repercusión dos gastos de extinción de incendios, no caso de producirse, conforme o establecido no artigo 48.9 do citado texto legal.

Pontecesures, 13 de maio de 2025

Mª Teresa Tocino Barreiro
Alcaldesa