Mediante o Decreto da Alcaldía nº 2025-0123, do 24.5.2025 resolveuse aprobar a modificación do Decreto da Alcaldía nº 2022-0203, do 20.5.2025 por ampliación da oferta de emprego público para a estabilización do emprego temporal conforme a Lei 20/2021, do 28 de decembro, engadindo as seguintes prazas/postos:

Denominación	Categoría	Nº de prazas	Sistema de acceso	Observacións
Xerocultor/a	IV	4	Concurso-oposición Artigo 2.4 da Lei 20/2021	Xornada completa
Cociñeiro/a	III	1	Concurso-oposición Artigo 2.4 da Lei 20/2021	Xornada completa
Arquitecto/a	I	1	Concurso Disposición adicional 6ª e 8ª da Lei 20/2021	Por Sentenza
Auxiliar axuda a domicilio	V	1	Concurso Disposición adicional 6ª e 8ª da Lei 20/2021	Por Sentenza

O que se fai público para coñecemento xeral.

Contra este acto administrativo que é definitivo en vía administrativa poden as persoas interesadas interpoñer potestativamente recurso de reposición nun prazo dun mes de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben interpoñer directamente recurso contencioso-administrativo, ante o Xulgado Contencioso-Administrativo de Ourense no prazo de dous meses contado desde o día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, da xurisdición contencioso-administrativo. Se optase pola interposición de recurso potestativo de reposición non poderá interpoñer recurso contencioso-administrativo ata que aquel non sexa resolto expresamente ou se producise a súa desestimación por silencio, sen prexuízo de que poida interpoñer outro recurso que puidese considerar máis conveniente ao seu dereito.

Xunqueira de Ambía, 26 de maio de 2025

José Luis Gavilanes Losada
Alcalde