A instalación denominada Modificación LAT 66 kV SC Vilagarcía-Cambados entre os apoios 44 e 45 foi declarada de utilidade pública mediante a Resolución do 28 de outubro 2024, do Departamento Territorial de Pontevedra, o que leva implícita a urxente ocupación dos bens e dereitos afectados, e a empresa UFD Distribución Electricidad, S.A., ten a condición de beneficiaria.

Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o 9 de xullo de 2025, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello de Cambados.

A persoa interesada recibirá unha notificación individual coa debida antelación legal, en que se lle comunicará a data e a hora na cal deberá presentarse no seu predio, e informase de que poderá ir acompañada por un perito ou un notario, pola súa conta, se así o considera conveniente.

Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.

Vigo, 2 de xuño de 2025

Beatriz López del Olmo
Directora territorial de Pontevedra

ANEXO

Modificación LAT 66 kV SC Vilagarcía-Cambados entre os apoios 44 e 45
Nº	Referencia catastral	Lugar	Titular	Nº apoio	m2 Solo	ml aérea	m2 aérea
1	36006B501001650000WT	Agüeiros	Carmen Abal González	44N	9,69	50,13	423,28