A Deputación Provincial da Coruña, na sesión plenaria ordinaria do 30 de maio de 2025, adoptou o seguinte acordo:

«19. Aprobación da aceptación da delegación de competencias do Concello de Ribeira sobre a inspección do imposto sobre construcións, instalacións e obras e da taxa por licenza de obras ou urbanística.

1º. Aceptar a delegación das competencias acordada polo Concello de Ribeira en relación coa seguinte materia:

Inspección do imposto sobre construcións, instalacións e obras e da taxa por licenza de obras ou urbanística e pola realización das actividades administrativas de control nos supostos en que a exixencia de licenza fose substituída pola presentación de declaración responsable ou comunicación previa, e a recadación voluntaria e executiva das liquidacións derivadas das actuacións inspectoras.

2º. A delegación entrará en vigor unha vez que se publique este acordo no Boletín Oficial da provincia, e o seu exercicio levarase a cabo nos termos establecidos nas bases para a prestación de servizos tributarios aos concellos da provincia, aprobadas para o efecto por esta deputación provincial».

A Coruña, 6 de xuño de 2025

O presidente da Deputación Provincial da Coruña P.D. (Resolución número 32898, do 29.8.2023) José Ramón Rioboo Castro Deputado da Deputación Provincial da Coruña

Miguel Iglesias Martínez Secretario xeral da Deputación Provincial da Coruña