Mediante Decreto da Alcaldía do Concello de Ourense núm. 2024009504, do 30 de decembro, aprobouse a convocatoria e as bases reguladoras do proceso selectivo, mediante concurso-oposición, de dúas (2) prazas de aparellador incluídas na oferta de emprego público do Concello de Ourense, correspondente ao exercicio de 2024. O citado decreto publicouse no Boletín Oficial da provincia de Ourense núm. 12, do 20 de xaneiro de 2025.

As bases reguladoras do proceso selectivo poden consultarse na sede electrónica do Concello de Ourense no seguinte enlace:

https://bop.depourense.es/portal/consulta?fecha=20250120

O que se fai público advertindo que, contra esta resolución que pon fin á vía administrativa, poderá interpoñerse recurso potestativo de reposición no prazo dun mes ou ben acudir directamente á vía xudicial, interpoñendo recurso contencioso-administrativo ante o Xulgado do Contencioso-Administrativo de Ourense no prazo de dous meses. Os prazos indicados computaranse de data a data a partir do día seguinte ao da notificación da presente resolución. Non poderán interpoñerse simultaneamente ambos os recursos. Sen prexuízo do anterior, a persoa interesada poderá interpoñer calquera outro recurso que considere procedente.

Ourense, 3 de xuño de 2025

Gonzalo Pérez Jácome
Alcalde presidente