A instalación denominada LMTA e novo CT Quintáns foi declarada de utilidade pública mediante a Resolución do Departamento Territorial de Pontevedra do 5 de maio de 2025, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.

Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 4 de setembro de 2025, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello da Estrada.

A persoa interesada recibirá unha notificación individual coa debida antelación legal, na cal se lle comunicará a data e a hora na cal deberá presentarse no seu predio, e informarase de que poderá ir acompañada por un perito ou un notario, pola súa conta, se así o considera conveniente.

Vigo, 16 de xuño de 2025

Beatriz López del Olmo
Directora territorial de Pontevedra

ANEXO

Nº	Referencia catastral	Lugar	Titular	Nº apoio	m2 solo	ml servidume de paso aérea	m2 servidume de paso aérea
1	Polígono-parcela 7-1385	Codeseda	José Souto Lorenzo	1	2	17,36	95,66
2	Polígono-parcela 7-1379	Codeseda	Mª Carsilda Purificación Rodríguez Ulla			35,05	252,29
3	Polígono-Parcela 7-1378	Codeseda	Mª Arminda Esther González Besteiro			27,13	242,57
4	Polígono-Parcela 7-1376	Codeseda	Narciso Souto Lorenzo	1+CT	2	13,77	123,26