Enrique Justo Garrido, veciño de Liñares, parroquia de Xesta, concello da Lama (Pontevedra), por medio deste anuncio convoco á asemblea xeral a todas as persoas usuarias de augas, co fin de se constituíren en comunidade de usuarios segundo a lexislación de augas vixente e solicitar a correspondente concesión administrativa. A asemblea terá lugar o 9 de agosto de 2025, ás 17.30 horas en primeira convocatoria e ás 18.00 horas en segunda convocatoria, na Casa do Pobo, Liñares, núm. 4, coa seguinte orde do día:

1. Formar a relación nominal de persoas usuarias (nome, DNI, enderezo da vivenda e referencia catastral, sinatura orixinal), constituírse en comunidade de usuarios segundo a lexislación de augas vixente e solicitar a concesión administrativa, así como elixir o nome e domicilio da comunidade.

2. Aprobar as bases ás cales, dentro da lexislación vixente, terán que axustarse os proxectos de ordenanzas e regulamentos polos cales se rexerá a comunidade.

3. Designación dos membros que integran a xunta de goberno, encargada da dirección da comunidade e da redacción das ordenanzas e regulamentos.

4. Rogos e preguntas.

Liñares (A Lama), 23 de xuño de 2025

Enrique Justo Garrido
Presidente da Comunidade de Usuarios de Augas de Liñares