En cumprimento do previsto no artigo 142 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a novación e modificación da concesión coa clave DH.A15.23487, coas seguintes características:

Solicitante: UTE Protección Medio Ambiental, S.L. y Contenedores de La Coruña, S.L., UTE Lei 18/1982, do 26 de maio (UTE PMA Conteco/Sogarisa) NIF U70499561.

Expediente: DH.A15.106577.

Orixe: pozo 2 x=589.669; y=4.822.877; (ETRS89).

Volume total anual: 2.452,80 m3/ano.

Caudal máximo instantáneo: 0,833 l/s.

Destino: abastecemento ao persoal da súa industria.

Lugar: Marván.

Parroquia: Seixas (Santa María).

Concello: As Somozas.

Descrición do aproveitamento:

As augas cáptanse do denominado pozo 2. A auga deste pozo, situado na parcela de referencia catastral 15082A005004700000GE, é bombeada a un depósito de 35 m³ para o seu tratamento e uso posterior. A auga emprégase en duchas, lavabo e lavadoras nas instalacións da actividade dentro desa parcela.

O documento técnico pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa Vicente Ferrer, 2, 9º andar, 15008 A Coruña. Para facilitar esta consulta poderá solicitar cita previa no teléfono 981 18 25 30.

As persoas interesadas poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

A Coruña, 19 de xuño de 2025

Néstor Rodríguez Arias
Xefe do Servizo Territorial da Zona Hidrográfica de Galicia Norte