O 4 de marzo de 2024, o Departamento Territorial de Lugo, ditou resolución pola que se outorgan á empresa Barras Eléctricas Galaico-Asturianas, S.A. as autorizacións administrativas previa e de construción.

O 26 de febreiro de 2025, o Departamento Territorial de Lugo ditou resolución pola que se declara a utilidade pública, en concreto, para os efectos da urxente ocupación, da instalación eléctrica denominada Soterramento da LAT 20 kV Tablicia no contorno do CT 9170 Areeiras, no concello de Lugo.

Esta declaración de utilidade pública, segundo o disposto no artigo 56 da Lei 24/2013, do 26 de decembro, do sector eléctrico, implica a necesidade de ocupación dos bens ou de adquisición dos dereitos afectados e a súa urxente ocupación, para os efectos do artigo 52 da Lei de expropiación forzosa, do 16 de decembro de 1954.

De acordo co anterior, este departamento territorial, en cumprimento do disposto no artigo 52 da Lei de expropiación forzosa, resolve convocar a todas as persoas afectadas coas que non se chegou a un acordo, incluídas na relación de bens e dereitos que se insire como anexo a este acordo e que se expón tamén no taboleiro de anuncios do Concello de Lugo, deducida da que se someteu a información pública no diario El Progreso de 5 de novembro de 2024 e no Diario Oficial de Galicia do 5 de novembro de 2025, para que comparezan o día 8 de outubro de 2025 no Concello de Lugo, sinalado como punto de reunión para, de conformidade co procedemento que se establece no citado artigo, levar a cabo o levantamento das actas previas á ocupación.

Desta convocatoria darase traslado aos interesados mediante a oportuna citación individual, na cal se sinalarán día e hora para o levantamento das actas previas. Así mesmo, no taboleiro de anuncios do Concello de Lugo estará exposta a data do levantamento das actas. Todos os interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por unha persoa debidamente autorizada, achegando os documentos acreditativos da súa titularidade, e poderán ir acompañados dos seus peritos e dun notario pola súa conta (artigo 52.3 da Lei de expropiación forzosa).

Así mesmo, advírtese a todos os interesados que poderán formular alegacións por escrito neste departamento territorial (rolda da Muralla, 70, Lugo) ata o momento do levantamento das actas previas, para os únicos efectos de corrixir os posibles erros cometidos na relación de bens e dereitos afectados (artigo 56.2 do regulamento da Lei de expropiación forzosa).

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas, (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación, ou ben, tentada a notificación, non se puidese realizar (sen prexuízo da correspondente publicación no BOE), e así dirixirlle ao Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 16 de xullo de 2025

Gustavo J. Casasola de Cabo
Director territorial de Lugo

ANEXO

Soterramento da LAT 20 kV Tablicia no contorno do CT 9170 Areeiras, no concello de Lugo.

Expediente: IN407A 2023/091-2.

Núm. predio	Pol.	Parc.	Lugar	Cultivo	Propietario	Data actas	Hora
2	103	16	Aira do Fran	Monte baixo	Herdeiros de Francisco Prado Luaces Antonio Prado Sardiña	8.10.2025	10.00