Con data do 28 de abril de 2025 publícase no Diario Oficial de Galicia número 80 a Orde do 8 de abril de 2025, pola que se establecen as bases reguladoras das axudas destinadas a fomentar o asociacionismo e a participación das mulleres, e se convocan para o ano 2025 (código de procedemento SI437A).

A través da dita orde establécense as bases reguladoras e a convocatoria, para o ano 2025, das axudas dirixidas ás asociacións de mulleres e ás federacións constituídas por estas, coa finalidade de fortalecer e consolidar o movemento asociativo e potenciar a participación social e a calidade de vida das mulleres galegas a través das seguintes liñas:

a) Liña 1: consolidación do movemento asociativo, destinada a compensar os gastos correntes que orixine o mantemento e funcionamento das asociacións de mulleres e das súas federacións.

b) Liña 2: promoción de actuacións e actividades singularizadas en materia de igualdade, de prevención da violencia de xénero e de acompañamento das vítimas, con especial incidencia nas mulleres rurais, mulleres maiores e/ou mulleres en situación de vulnerabilidade, no marco do Pacto de Estado contra a violencia de xénero.

Para o financiamento das axudas previstas nesta convocatoria destínase crédito por importe total de trescentos trinta mil euros (330.000 €) dos orzamentos xerais da Comunidade Autónoma de Galicia para o ano 2025 con cargo ás aplicacións orzamentarias seguintes:

Liña	Aplicación	Cód. proxecto	Importe
Liña 1	08.07.313B.480.0	2016 00020	180.000,00 €
Liña 2	08.07.313D.480.2	2025 00050	150.000,00 €

Unha vez revisadas as solicitudes presentadas ao abeiro da dita orde, concretamente no Departamento Territorial de Ourense da Consellería de Política Social e Igualdade segundo a sede social das asociacións solicitantes, pola unidade administrativa tramitadora e encargada da instrución do procedemento, así como as emendas feitas, neste caso pola unidade de igualdade do dito departamento territorial, unha vez comprobado que todas cumprían cos requisitos establecidos e coa documentación necesaria, estas foron remitidas á Comisión de Valoración, órgano creado no artigo 13.2.

O dito órgano instrutor, tras a baremación e á vista do informe realizado pola Comisión de Valoración, formulou a proposta de resolución que, como establece o artigo 15.1, elevou ao órgano competente, á persoa titular do Departamento Territorial de Ourense da Consellería de Política Social e Igualdade, que, en virtude da competencia delegada na disposición adicional única para resolver os procedementos de concesión, emite a correspondente resolución con data do 30 de xullo de 2025.

Segundo o artigo 15.3, por tratarse dun procedemento de concorrencia competitiva, e de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, as resolucións destas subvencións serán obxecto de publicación no Diario Oficial de Galicia, as cales producirán os mesmos efectos da notificación.

Polo exposto,

RESOLVO:

Primeiro. Ordenar a publicación, no Diario Oficial de Galicia, do contido íntegro da Resolución do 30 de xullo de 2025, do Departamento Territorial de Ourense da Consellería de Política Social e Igualdade, ditada no seu ámbito provincial ao abeiro da Orde do 8 de abril de 2025 pola que se establecen as bases reguladoras das axudas destinadas a fomentar o asociacionismo e a participación das mulleres, e se convocan para o ano 2025 (código de procedemento SI437A), e que se xunta a esta resolución no anexo.

Segundo. Comunicar que a Resolución do 30 de xullo de 2025, do Departamento Territorial de Ourense da Consellería de Política Social e Igualdade, pon fin á vía administrativa e que contra ela poderá interpoñerse o recurso potestativo de reposición, ante o mesmo órgano que ditou a resolución, no prazo dun mes contado a partir do día seguinte ao da súa publicación no Diario Oficial de Galicia, ou directamente o recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial de Galicia.

Non se pode interpoñer o recurso contencioso-administrativo ata que sexa resolto expresamente ou se produza a desestimación presunta do recurso de reposición interposto.

Ourense, 31 de xullo de 2025

O director territorial de Ourense
P.A. (Decreto 139/2024 do 20.5.2024; DOG, núm. 101, do 27 de maio)
Marta Conde Veloso
Xefa do Servizo de Coordinación Administrativa

ANEXO

Resolución do 30 de xullo de 2025, do Departamento Territorial de Ourense, que pon fin ao procedemento de concesión das subvencións na provincia de Ourense convocadas mediante a Orde do 8 de abril de 2025 pola que se establecen as bases reguladoras das axudas destinadas a fomentar o Asociacionismo e a participación das mulleres, e se convocan para o ano 2025 (código de procedemento SI437A).

Antecedentes:

Primeiro. Con data do 28 de abril de 2025, publícase no Diario Oficial de Galicia a Orde do 8 de abril de 2025 pola que se establecen as bases reguladoras das axudas destinadas a fomentar o asociacionismo e a participación das mulleres, e se convocan para o ano 2025 (código de procedemento SI437A).

Segundo. Esta orde ten por obxecto establecer as bases reguladoras e convocar, no ano 2025, axudas dirixidas ás asociacións de mulleres e ás federacións constituídas por estas, coa finalidade de fortalecer e consolidar o movemento asociativo e potenciar a participación social e a calidade de vida das mulleres galegas a través das seguintes liñas: liña 1 para a consolidación do movemento asociativo, destinada a compensar os gastos correntes que orixine o mantemento e funcionamento das asociacións de mulleres e das súas federacións, e liña 2 para a promoción de actuacións e actividades singularizadas en materia de igualdade, de prevención da violencia de xénero e de acompañamento das vítimas, con especial incidencia nas mulleres rurais, mulleres maiores e/ou mulleres en situación de vulnerabilidade, no marco do Pacto de Estado contra a violencia de xénero.

Terceiro. De acordo co establecido no artigo 1.3 das bases reguladoras, o procedemento para a concesión das subvencións recollidas nesta orde tramitarase en réxime de concorrencia competitiva, de acordo co sinalado no artigo 19.1 da Lei 9/2007, do 13 de xuño, de subvencións de Galicia.

Cuarto. De acordo co establecido no artigo 13.4 das bases reguladoras, avaliadas as solicitudes no ámbito provincial de Ourense, seguindo os criterios establecidos no artigo 14, a Comisión de Valoración emitiu un informe segundo o cal a unidade de igualdade do Departamento Territorial de Ourense, órgano instrutor, formulou a proposta de resolución ao órgano competente para resolver e na cal se inclúe a proposta de concesión de subvencións segundo a orde de puntuación obtida polas solicitudes e polo importe da axuda correspondente ata esgotar o crédito dispoñible. Así mesmo, propón os expedientes que quedaran en lista de espera por terse esgotado o crédito dispoñible, para seren atendidos no caso de se producir algunha renuncia ou un incremento do crédito orzamentario destinado a estas axudas, e os expedientes aos cales se lles denegan estas axudas, por desistencia expresa, por non cumpriren os requisitos establecidos na convocatoria, ou por non achegaren a documentación requirida no prazo establecido, segundo o establecido no artigo 68.2 da Lei 39/2015, do 1 de outubro.

Quinto. De acordo co establecido no artigo 15.1, tras a proposta da resolución a persoa titular do Departamento Territorial de Ourense da Consellería de Política Social e Igualdade resolverá por delegación da persoa titular da Consellería de Política Social e Igualdade.

Sexto. Segundo o artigo 15.3 das bases reguladoras, por tratarse dun procedemento de concorrencia competitiva, e de conformidade co previsto no artigo 45 da Lei 39/2015, do 1 de outubro, a resolución destas subvencións será obxecto de publicación no Diario Oficial de Galicia, a cal producirá os mesmos efectos da notificación. Nesta publicación especificaranse a data da convocatoria, a entidade beneficiaria, a cantidade concedida e a finalidade da subvención outorgada, así como as solicitudes desestimadas, con expresión sucinta dos motivos da desestimación.

Por todo o anterior, tras o informe de baremación e a proposta emitida pola unidade de igualdade do Departamento Territorial de Ourense como órgano instrutor, unha vez fiscalizado o gasto de conformidade coa Intervención Delegada, o director do dito departamento territorial de Ourense da Consellería de Política Social e Igualdade, en virtude da competencia delegada na disposición adicional única para resolver os procedementos de concesión,

RESOLVE:

Primeiro. Concederlles as subvencións para o financiamento do programa SI437A ás asociacións con sede social na provincia de Ourense que se relacionan no anexo I, como consecuencia da aplicación dos criterios e pautas de valoración establecidas no artigo 14 das bases reguladoras e segundo o establecido no artigo 5.4, pola contía e para o desenvolvemento da actuación que figuran no anexo.

Segundo. Incluír na lista de espera as solicitudes que se indican no anexo II segundo a orde de puntuación e que, de ser o caso, poderán ser atendidas a través do crédito que quede sen comprometer por producirse algunha renuncia ou por un incremento do crédito orzamentario dispoñible destinado a estas axudas. Para estes efectos, poderán realizarse sucesivas propostas de resolución.

Terceiro. Excluír e declarar desistidas as solicitudes que se relacionan no anexo III, con indicación da causa específica, por desistencia expresa, por non cumpriren o requisito de emenda e/ou achega dos documentos preceptivos no prazo establecido, segundo o disposto no artigo 12.1 das bases reguladoras, ou ben por non cumpriren algún dos requisitos establecidos nas referidas bases.

Cuarto. Informar as asociacións de mulleres e as federacións constituídas por estas, beneficiarias das subvencións con sede social na provincia de Ourense que figuran no anexo I desta resolución, do seguinte:

a) As axudas da liña 1 están financiadas con fondos propios libres da Comunidade Autónoma de Galicia e as axudas da liña 2 están financiadas con fondos finalistas do Pacto de Estado contra a violencia de xénero.

b) De acordo co establecido no artigo 3 das bases reguladoras, estas axudas son compatibles con outras subvencións, axudas e ingresos, ou recursos para a mesma finalidade, procedentes de calquera outra Administración ou entidades públicas ou privadas.

O importe da subvención concedida non poderá superar en ningún caso, illadamente ou en concorrencia con outras subvencións ou axudas, o custo da actuación ou actividade que vai desenvolver a entidade solicitante, nin o importe total do correspondente concepto de gasto.

No caso de que o conxunto das axudas supere o custo das actividades ou gastos subvencionables, esta axuda reducirase na cantidade necesaria ata acadar o cumprimento do establecido anteriormente.

c) As entidades beneficiarias deberán cumprir, en todo caso, cos requisitos e obrigas exixidos nos artigos 10 e 11 da Lei 9/2007, do 13 de xuño, de subvencións de Galicia, así como coas condicións e obrigas establecidas no artigo 20 das bases reguladoras e demais que resulten exixibles segundo a normativa de aplicación.

d) No artigo 22 das bases reguladoras establécense os criterios de gradación dos posibles incumprimentos que determinan, de ser o caso, a perda do dereito ao cobramento da subvención, a minoración da cantidade concedida ou, de ser o caso, o reintegro total ou parcial da axuda percibida.

e) Unha vez publicada a resolución de concesión da subvención, a entidade beneficiaria deberá comunicar no prazo de dez (10) días a súa aceptación e comprometerse a executar o programa, medida ou actuación subvencionada no prazo e nas condicións establecidos na convocatoria. No caso de non comunicalo no prazo indicado, entenderase tacitamente aceptada.

f) De acordo co establecido no artigo 19 das bases reguladoras, o importe da subvención farase efectivo nun pagamento único, logo da acreditación da realización da actuación ou actividade e da presentación da documentación xustificativa.

g) Para poderen ser tidos en conta, os gastos deben estar xerados no período comprendido entre o 1 de outubro de 2024 e o 30 de setembro de 2025, para os gastos da liña 1, e entre o 1 de decembro de 2024 e o 30 de novembro de 2025, para a liña 2, e estar efectivamente pagados, como máximo, na data de finalización do prazo de xustificación, o 16 de outubro 2025 para a liña 1 e o 11 de decembro para a liña 2.

h) As entidades beneficiarias deberán presentar a documentación xustificativa establecida no artigo 18 coa data límite do 16 de outubro de 2025 para a liña 1 e do11 de decembro para a liña 2.

Quinto. Notificarlles ás persoas interesadas esta resolución, de acordo co disposto na Lei 39/2015, do 1 de outubro.

Esta resolución esgota a vía administrativa e contra ela poderá interpoñerse recurso potestativo de reposición, ante o mesmo órgano que a ditou, no prazo dun mes contado desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, ou directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados desde o día seguinte ao da súa publicación, de conformidade co establecido na Lei 29/1998, reguladora da xurisdición contencioso-administrativa.

Non se poderá interpoñer o recurso contencioso-administrativo ata que sexa resolto expresamente ou se produza a desestimación presunta do recurso de reposición interposto.

Santiago de Compostela, 30 de xullo de 2025. A conselleira de Política Social e Igualdade. P.D. (Disposición adicional única da Orde do 8.4.2025; DOG núm. 80, do 28 de abril). O director territorial de Ourense da Consellería de Política Social e Igualdade. P.A. (Decreto 139/2024 do 20.5.2024; DOG, núm. 101, do 27 de maio) Marta Conde Veloso, Xefa do Servizo de Coordinación Administrativa.

ANEXO I

Concesións

Número de expediente	Asociación/federación	NIF	Liña e denominación do programa	Custo total actuación (anexo I)	Importe subvención(€)	Total puntos
Liña 1
SI437A-2025-00000014-03	Federación provincial de mulleres rurais de Ourense	G32237869	Liña 1	5.380,30	5.000,00	70
SI437A-2025-00000002-03	Asociación Amigos da cultura e do ocio Aires Nosos	G32369696	Liña 1	5.600,00	5.000,00	68
SI437A-2025-00000003-03	Asociación cultural Os Tres Reinos	G32345274	Liña 1	5.000,00	5.000,00	63
SI437A-2025-00000010-03	Asociación de viúvas María Andrea	G32014334	Liña 1	6.000,00	5.000,00	61
SI437A-2025-00000028-03	Asociación de mulleres Algueirada de Manzaneda	G32354227	Liña 1	5.000,00	4.956,51	56,1
SI437A-2025-00000013-03	Asociación de mulleres rurais O Colibrí	G75547497	Liña 1	400,00	400,00	43,4
SI437A-2025-00000046-03	Asociación Participacción	G32477127	Liña 1	2.329,60	2.173,34	40
SI437A-2025-00000001-03	Asociación centro atencion a vítimas de agresions sexuais de Galicia CAVAS	G72568454	Liña 1	5.000,00	3.445,69	39
SI437A-2025-00000049-03	Asociación de mulleres rurais Santa Eulalia de Montes	G32378911	Liña 1	300,00	300,00	36,9
SI437A-2025-00000016-03	Asociación de mulleres rurais Fonte do Sapo	G32387698	Liña 1	720,20	720,20	35,5
SI437A-2025-00000012-03	Asociación de mulleres rurais San Pedro	G32375909	Liña 1	250,00	250,00	33,9
Liña 2
SI437A-2025-00000042-03	Asociación mulleres rurais Xestas e Toxos	G32245342	Liña 2: Programa de apoderamento e participación activa das mulleres no rural	8.810,00	6.000,00	87
SI437A-2025-00000048-03	Asociación de mulleres rurais O Cruceiro	G32258881	Liña 2:Programa de apoderamento e participación activa das mulleres no rural	8.972,00	6.000,00	86
SI437A-2025-00000019-03	Asociación de mulleres rurais Nosa Señora do Portal	G33063461	Liña 2: Programa de apoderamento e participación activa das mulleres no rural	4.000,00	2.400,00	82
SI437A-2025-00000051-03	Asociación de mulleres rurais Santa Isabel	G32176083	Liña 2: Sabor a coidados-obradoiros de apoderamento gastronómico	3.000,00	2.700,00	82
SI437A-2025-00000004-03	Asociación de mulleres rurais Os Picotiños	G32303877	Liña 2: Empoderamento activo: obradoiro autodefensa e movemento constante	4.428,60	3.275,00	82
SI437A-2025-00000037-03	Asociación de mulleres rurais de Arnoia	G32181703	Liña 2: Programa de apoderamento e participación activa das mulleres no rural	5.845,00	5.380,06	81
SI437A-2025-00000038-03	Asociación de mulleres rurais Cruceiro Gordo	G32471971	Liña 2: Programa de apoderamento e participación activa das mulleres no rural	5.185,66	4.385,66	81
SI437A-2025-00000041-03	Asociación mulleres rurais Entre Nós	G32233512	Liña 2: Programa de apoderamento e participación activa das mulleres no rural	7.471,40	6.000,00	81
SI437A-2025-00000017-03	Asociación mulleres rurais Silvardeira	G32346009	Liña 2: Programa de apoderamento e participación activa das mulleres no rural	3.150,00	2.350,00	80
SI437A-2025-00000015-03	Asociación mulleres rurais Pais do Riós	G32284747	Liña 2: Obradoiro de pilates I e III	3.000,00	2.250,00	79,8
SI437A-2025-00000035-03	Asociación Escola Rural de Saúde da Limia	G32426025	Liña 2: Camiños pola igualdade no rural	8.080,00	6.000,00	79
SI437A-2025-00000006-03	Asociación Galega de mulleres rurais Agamur	G32500621	Liña 2: Actuacións para o apoderamento e a alfabetización dixital bancaria	6.786,00	6.000,00	79
SI437A-2025-00000039-03	Asociación mulleres rurais Feces de Abaixo As Raiotas	G32502353	Liña 2: Programa de apoderamento e participación activa das mulleres no rural	6.150,00	5.283,41	75,6
SI437A-2025-00000036-03	Asociación de mulleres rurais As Xeitosiñas	G32288953	Liña 2: Programa de apoderamento e participación activa das mulleres no rural	3.252,95	2.432,95	74,8
SI437A-2025-00000022-03	Asociación San Salvador da Roza	G32292807	Liña 2: Programa de apoderamento e participación activa das mulleres no rural	1.512,50	812,50	74,6
SI437A-2025-00000020-03	Asociación mulleres rurais mulleres rurais e de Consumo 25 de Xullo	G32282949	Liña 2: Programa de empoderamento e participación activa das mulleres no rural	2.940,00	2.205,00	73
SI437A-2025-00000047-03	Asociación de mulleres rurais As Temoeiras	G32367542	Liña 2: Programa de empoderamento e participación activa das mulleres no rural	6.945,00	5.410,00	73
SI437A-2025-00000055-03	Asociación mulleres rurais Rubideira	G32255580	Liña 2: Programa de empoderamento e participación activa das mulleres no rural	1.500,00	765,00	72
SI437A-2025-00000008-03	Asociación de mulleres rurais Monterrei	G32368227	Liña 2: Programa de empoderamento e participación activa das mulleres no rural	1.524,60	784,60	71,2
SI437A-2025-00000031-03	Asociación mulleres rurais e Consumo Tres De Maio	G32213704	Liña 2: Programa de apoderamento e participación activa das mulleres no rural	5.687,00	4.072,00	71,2
SI437A-2025-00000029-03	Asociación mulleres rurais Fonte do Ouro	G32480675	Liña 2: Programa de adquisición competencias e habilidades básicas para maior autonomía das mulleres	7.500,00	5.900,00	71
SI437A-2025-00000033-03	Asociación mulleres rurais de Castrelo de Miño	G44797348	Liña 2: Programa de apoderamento e participación activa das mulleres no rural	3.855,00	2.730,00	71
SI437A-2025-00000032-03	Asociación de mulleres rurais Limicas	G32501066	Liña 2: Programa de apoderamento e participación activa das mulleres no rural	3.000,00	765,00	70,8
SI437A-2025-00000043-03	Asociación de Mulleres Arracada	G32305377	Liña 2: Programa de apoderamento e participación activa das mulleres no rural	7.535,00	6.000,00	70,4
SI437A-2025-00000025-03	Asociación mulleres rurais San Miguel Espinoso	G32292435	Liña 2: Programa de apoderamento e participación activa das mulleres no rural	1.990,00	1.255,00	70,2
SI437A-2025-00000044-03	Asociación de mulleres rurais O Patio de Melo	G32411670	Liña 2: Programa de apoderamento e participación activa das mulleres no rural	6.483,91	4.948,91	69,6
SI437A-2025-00000024-03	Asociación mulleres rurais Sarreaus	G32278756	Liña 2: Programa de apoderamento e participación activa das mulleres no rural	1.500,00	389,00	69,4
SI437A-2025-00000053-03	Asociación Mulleres de Queixa	G75615039	Liña 2: Programa de apoderamento e participación activa das mulleres no rural	2.455,90	1.449,90	69,4
SI437A-2025-00000050-03	Asociación A Casiña Artesanal de Coles	G32459976	Liña 2: Empoderamento da muller rural (obradoiro de baile, pintura a óleo, técnicas de palillos)	986,28	773,33	69
SI437A-2025-00000026-03	Asociación de mulleres rurais Flor da Xesta	G32487118	Liña 2: Programa de apoderamento e participación activa das mulleres no rural	3.672,00	1.280,00	69
SI437A-2025-00000021-03	Asociación mulleres rurais Adiante	G32140741	Liña 2: Programa de apoderamento e participación activa das mulleres no rural	1.500,00	765,00	68,8
SI437A-2025-00000018-03	Asociación mulleres rurais As Abelairas	G32369605	Liña 2: Programa de apoderamento e participación activa das mulleres no rural	1.800,00	548,20	68,4
SI437A-2025-00000052-03	Asociación de mulleres rurais da Chaira	G19813559	Liña 2: Programa de apoderamento e participación activa das mulleres no rural	4.501,20	655,99	68

ANEXO II

Lista de espera

Nº lista de espera	Número de expediente	Asociación/federación	NIF	Liña e denominación do programa	Custo total da actuación (anexo I)	Total puntos	Importe que lle correspondería segundo a puntuación (€)
2	SI437A-2025-00000030-03	Asociación mulleres rurais Pegureiras	G32500357	Liña 2: Programa de apoderamento e participación activa das mulleres no rural	2.795,60	67,8	2.060,60
4	SI437A-2025-00000007-03	Asociación cultural social deportiva lúdica ecolóxica da muller de inclusión do rural Vive Vilariño	G32504508	Liña 2: Nós Xuntas	6.000,00	65	4.431,82
5	SI437A-2025-00000005-03	Asociación Centro de Animación Rural Mulleres da Veiga	G32218612	Liña 2: Axudas económicas destinadas a fomentar o Asociacionismo e a participación das mulleres	6.000,00	64,6	4.404,55
6	SI437A-2025-00000045-03	Asociación de mulleres rurais A Esperanza	G32369951	Liña 2: Programa de apoderamento e participación activa das mulleres no rural	900,00	64,4	658,64
7	SI437A-2025-00000023-03	Asociación mulleres rurais Toural	G32399792	Liña 2: Programa de apoderamento e participación activa das mulleres no rural	1.500,00	63	382,50
8	SI437A-2025-00000027-03	Santa María de Tamagos	G32362741	Liña 2: Programa de apoderamento e participación activa das mulleres no rural	2.250,00	62,6	885,25
9	SI437A-2025-00000011-03	Asociación de mulleres rurais O Recuncho	G32287336	Liña 2: Programa de apoderamento e participación activa das mulleres no rural	2.000,00	61,6	680,00
11	SI437A-2025-00000009-03	Asociación de mulleres rurais As Candelas	G32298168	Liña 2: Programa de apoderamento e participación activa das mulleres no rural	1.500,00	57,4	765,00

ANEXO III

Solicitudes excluídas e desistidas

Nº de expediente	Liña	Nome asociación/federación	NIF	Causas de denegación
SI437A-2025-00000034-03	Liña 2	Asociación San Vitoiro de Cernego	G70820527	Incumprimento dos requisitos recollidos no artigo 4.1.c) e 4.1.f)
SI437A-2025-00000040-03	Liña 1	Afammer Ourense	G32302432	Incumprimento dos requisitos recollidos no artigo 4.1.c)
SI437A-2025-00000054-03	Liña 1	Asociación de mulleres rurais do Outeiro do Forte	G22485064	Incumprimento dos requisitos recollidos no artigo 4.1.c)