No Xulgado Contencioso-Administrativo número 2 de Pontevedra tramítase o recurso 225/2025 (procedemento abreviado), interposto por Lucía Rivas Arribas contra a desestimación por silencio administrativo do recurso de reposición presentado fronte á Resolución do 12 de marzo de 2025, da Dirección Xeral de Recursos Humanos, pola que se publica a relación de aspirantes definitivamente seleccionadas/os nos procesos selectivos, polo sistema de concurso de méritos, para o ingreso en diversas especialidades da categoría de facultativo/a especialista de área e de persoal licenciado sanitario, convocados polas resolucións do 26 de decembro de 2022, e se inicia o prazo para a elección telemática de destino (DOG núm. 54, do 19.3.25).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 30 de xullo de 2025

María del Mar Pousa Cobas
Directora xeral de Recursos Humanos