Na sesión ordinaria realizada pola Xunta de Goberno do Concello da Cañiza (Pontevedra), do 3 de xullo de 2025, aprobouse inicialmente o Plan especial de infraestruturas e dotacións para a realización dun novo viario na Cañiza, redactado por Alfonso Botana, S.L.

En cumprimento do disposto no artigo 75 da Lei 2/2016, do 10 de febreiro, do solo de Galicia, e no artigo 186 do Decreto 143/2016, do 22 de setembro, acordouse someter o presente plan a información pública durante dous (2) meses, mediante anuncio que se publicará no Diario Oficial de Galicia e nun dos periódicos de maior difusión na provincia. Así mesmo, notificarase individualmente a todas as persoas titulares catastrais dos terreos afectados.

Durante o período de información pública, requiriranse das administracións públicas competentes os informes sectoriais e consultas que resulten preceptivos.

A Cañiza, 14 de xullo de 2025

Luis A. Gómez Piña
Alcalde