Mediante a Resolución da segunda tenente de alcalde delegada de Persoal nº 2025003486, do 9 de xullo de 2025, aprobouse a seguinte modificación da oferta de emprego público do Concello de Oleiros correspondente ao ano 2023 publicada no BOP núm. 127, do 5 de xullo, e no DOG núm. 151, do 9 de agosto:

Mediante a Resolución número 2023003469, do 30 de xuño de 2023, aprobouse a oferta de emprego público do Concello de Oleiros para o ano 2023 (BOP núm. 127, do 5 de xullo e DOG núm. 151, do 9 de agosto.

Tendo en conta a modificación puntual da relación de postos de traballo do Concello, aprobada definitivamente polo Concello Pleno en sesión extraordinaria que tivo lugar o 26 de decembro de 2024 (BOP núm. 8, do 14 de xaneiro de 2025), que afecta unha das prazas obxecto da oferta mencionada que está sen executar.

En concreto, o cambio prodúcese na praza de persoal funcionario denominada técnico/a de turismo, que cambia do subgrupo C1 ao subgrupo A2, e modifícase tamén a escala e a subescala.

Resólvese o seguinte:

1. Modificar a oferta de emprego público do Concello de Oleiros para o ano 2023 (BOP núm. 127, do 5 de xullo, e DOG núm. 151, do 9 de agosto), para o persoal funcionario, do seguinte xeito:

Onde pon:

Denominación	Nº	Subgrupo	Escala	Subescala	Clase
Técnico de turismo	1	C1	Administración especial	Administrativa

Debe poñer:

Denominación	Nº	Subgrupo	Escala	Subescala	Clase
Técnico de turismo	1	A2	Administración especial	Técnica	Técnico/a medio/a

Oleiros, 9 de xullo de 2025

O alcalde
(Decreto da Alcaldía nº 2023003281, do 21 de xuño)
Margarita Figueroa Vázquez
Segunda tenente de alcalde delegada de Persoal