No Xulgado do Contencioso-Administrativo número 2 de Vigo tramítase o recurso 92/2025 (procedemento abreviado), interposto por Adelaida Alonso Alonso contra a desestimación por silencio administrativo do recurso de alzada presentado o 11.7.2024 fronte á Resolución da Xerencia da Área Sanitaria de Vigo do 20.6.2024, pola que se desestimou a reclamación presentada o 2 de abril de 2024, contra o Plan funcional do Laboratorio de Microbioloxía da Área Sanitaria de Vigo e contra o novo padrón de carteleira adoptado no Servizo de Microbioloxía do Hospital Álvaro Cunqueiro de Vigo.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 5 de agosto de 2025

A directora xeral de Recursos Humanos
P.D. (Acordo do 29 de xullo de 2025)
Begoña Caamaño del Castillo
Subdirectora xeral de Xestión de Profesionais