Antecedentes:
1. O día 23 de xullo de 2025, María Jesús Pérez Fernández solicitou a autorización para a transmisión mortis causa das concesións administrativas e das bateas R.P.R. I e M.P. III.
2. A persoa interesada achegou a documentación requirida para a súa tramitación.
Consideracións legais e técnicas:
1. A competencia para ditar esta resolución corresponde á persoa titular da Consellería do Mar, de conformidade coa Lei 11/2008, do 3 de decembro, de pesca de Galicia, e coa Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
En virtude da Orde do 21 de febreiro de 2022, de delegación de competencias, delégase a competencia de resolver nas persoas titulares dos departamentos territoriais da Consellería do Mar.
2. O procedemento tramitouse de conformidade co disposto na Lei 39/2015, do 1 de outubro, do procedemento administrativo común das administracións públicas, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
De acordo con todo o indicado,
RESOLVO:
Autorizar a transmisión mortis causa, das concesións administrativas dos seguintes viveiros:
Tipo: batea.
Nome: R.P.R. I.
Situación:
Cuadrícula núm.: 126.
Polígono: H.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión de actividade.
Orde de outorgamento: 23.10.1959.
Remate da vixencia: 15.12.2029.
Actuais titulares: Francisca Fernández Sieira (***2525**), María Bettina Pérez Fernández (***5270**), María Jesús Pérez Fernández (***2135**) e Manuel Pérez Fernández (***3416**).
Novos titulares: María Bettina Pérez Fernández (***5270**) (16,66 % privativa), María Jesús Pérez Fernández (***2135**) (66,67 % privativa) e Manuel Pérez Fernández (***3416**) (16,67 % privativa).
Tipo: batea.
Nome: M.P. III.
Situación:
Cuadrícula núm.: 39.
Polígono: B.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión de actividade.
Orde de outorgamento: 11.11.1975.
Remate da vixencia: 15.12.2029.
Actuais titulares: Francisca Fernández Sieira (***2525**), María Bettina Pérez Fernández (***5270**), María Jesús Pérez Fernández (***2135**) e Manuel Pérez Fernández (***3416**).
Novos titulares: María Bettina Pérez Fernández (***5270**) (16,66 % privativas), María Jesús Pérez Fernández (***2135**) (66,67 % privativa) e Manuel Pérez Fernández (***3416**) (16,67 % privativa).
Os novos titulares das concesións quedan subrogados nos dereitos e obrigas dos anteriores desde o momento da publicación desta resolución no Diario Oficial de Galicia.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a persoa titular da Consellería do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e o artigo 46.1 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).
A Coruña, 7 de agosto de 2025
A conselleira do Mar
P.D. (Orde do 21.2.2022)
A directora territorial da Coruña
P.A. (Resolución do 13.5.2024)
María Paz Sánchez Díaz
Xefa do Servizo de Pesca, Acuicultura e Innovación Tecnolóxica da Coruña