De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselle ao titular que no anexo se menciona a incoación do expediente sancionador RITGA-E-2025-008291, xa que, intentada polo medio habitual, non se puido efectuar.

Neste mesmo acto designouse instrutor do expediente a José María Picallo Búa. A persoa interesada pode promover a súa recusación en calquera momento da tramitación do procedemento, de conformidade co disposto no artigo 24 da Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

A resolución deste expediente sancionador, en materia de turismo, correspóndelle á persoa titular da Axencia de Turismo de Galicia, segundo se dispón no artigo 19.4.g) dos estatutos da dita axencia, aprobados polo Decreto 196/2012, do 27 de setembro, polo que se crea a citada axencia e se aproban os seus estatutos (DOG núm. 193, do 9 de outubro), en relación co artigo 119.1.a) da Lei 7/2011, do 27 de outubro, do turismo de Galicia.

De conformidade co disposto no artigo 124.1 da Lei 7/2011, do 27 de outubro, a resolución deste procedemento sancionador deberá notificarse no prazo dun (1) ano desde a data deste acordo.

A persoa interesada dispón dun prazo de quince (15) días, conforme o establecido no artigo 82.2 da citada Lei 39/2015, do 1 de outubro, para presentar, ante o instrutor do procedemento, para a súa incorporación a el, alegacións, documentos e informacións que considere convenientes e, se é o caso, propoñer que se practiquen os medios de proba de que pretenda valerse, advertíndolle que, de non formular alegacións no prazo indicado, este acordo se considerará proposta de resolución, de conformidade co previsto no artigo 64.1 da dita lei.

De conformidade co establecido no artigo 85.3 da indicada Lei 39/2015, infórmase a persoa imputada de que a sanción sinalada no acordo de incoación poderá ser obxecto das seguintes reducións: o 20 % (no caso de que recoñeza a súa responsabilidade ou pague voluntariamente e calquera momento anterior a resolución) ou o 40 % (no caso de que recoñeza a súa responsabilidade e ademais pague voluntariamente en calquera momento anterior á resolución).

Pontevedra, 12 de agosto de 2025

Felipe Ferrero González
Xefe da Área Provincial de Turismo de Pontevedra

ANEXO

Expediente sancionador: RITGA-E-2025-008291.

Titular sancionado: Marta Iglesias Villar.

Establecemento: Carrera House Rosario.

Domicilio: rúa Rosario, 5, 1º B.

Localidade: Vigo.

Incoación: 2 de xullo de 2025.

Precepto infrinxido: artigo 35.c) da Lei 7/2011, do 27 de outubro, do turismo de Galicia, e artigo 110.10 da Lei 7/2011, do 27 de outubro, do turismo de Galicia.

Sanción proposta: 3.401 euros.