O secretario xeral técnico acordou, o 20 de xuño de 2025, o inicio do expediente de resolución e o trámite de audiencia correspondente ao contrato administrativo asinado o 5 de xuño de 2009 entre a Consellería do Medio Rural e a empresa Cotiasa, S.L. para a prestación dos servizos técnicos relativos aos traballos preparatorios necesarios para cada fase do proceso de concentración parcelaria (expediente 4/2009), lote 11: colaboración de servizos técnicos para a realización do proxecto e acordo de concentración das novas leiras na zona de Catoira, situado en Catoira (Pontevedra).

Ao resultar infrutuosa a notificación electrónica deste acordo, emprázase a persoa interesada sinalada no anexo para ser notificada por comparecencia nas dependencias da Secretaría Xeral Técnica da Consellería do Medio Rural, situada no Edificio Administrativo, nº 4, San Caetano, s/n, 1º andar, 15781 Santiago de Compostela, en que se atopa á súa disposición o texto íntegro do dito acordo, ao abeiro do disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas.

A comparecencia deberá realizarse no prazo de dez (10) días hábiles, que se contarán desde o día seguinte ao da publicación deste anuncio no Boletín Oficial del Estado. Transcorrido o dito prazo sen efectuarse a comparecencia, a notificación entenderase producida desde o día seguinte ao da publicación.

Para que conste e lle sirva de notificación á citada persoa interesada, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.

Santiago de Compostela, 12 de agosto de 2025

Jorge Atán Castro
Secretario xeral técnico da Consellería do Medio Rural

ANEXO

Expediente: 4/2009, lote 11: colaboración de servizos técnicos para a realización do proxecto e acordo de concentración das novas leiras na zona de Catoira, situado en Catoira (Pontevedra).

NIF interesado/a: B36116366.

Acto de notificación: acordo de inicio do procedemento de resolución do contrato e trámite de audiencia.