Tras ser convocada pola Resolución LD-03/2025, do 8 de xullo (DOG número 134, do 15 de xullo) a provisión dun posto de xefe/a de servizo de atención primaria (Fontenla Maristany A), polo sistema de libre designación, esta xerencia da Área Sanitaria, de conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, así como na Orde do 24 de maio de 2006, pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 145/2024, do 20 de maio (DOG número 101, do 27 de maio), polo que se establece a estrutura orgánica do Servizo Galego de Saúde; Decreto 134/2019, do 10 de outubro (DOG número 204, do 25 de outubro), polo que se regulan ás áreas sanitarias e os distritos sanitarios do Sistema público de saúde de Galicia, e a Orde do 22 de abril de 2020 (DOG número 82, do 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde,

DISPOÑO:

Primeiro. Resolver a convocatoria pública para a provisión dun posto de xefe/a de servizo de atención primaria (Fontenla Maristany A), realizada mediante a Resolución LD-03/2025, do 8 de xullo (DOG número 134, do 15 de xullo).

Segundo. Nomear, para o posto que se indica, a persoa relacionada no anexo desta resolución.

Terceiro. De conformidade coa base décima da convocatoria, a persoa nomeada será avaliada, antes de que transcorran catro anos desde o seu nomeamento, para os efectos de prorrogar o desempeño da xefatura, por idéntico período de tempo, ou efectuar a súa remoción.

Cuarto. O réxime de cesamento na praza de orixe e de toma de posesión da praza adxudicada será o establecido no artigo 27 da Orde do 24 de maio de 2006 (DOG número 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde.

Contra a presente resolución poderá interporse, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada ante a Dirección Xeral de Recursos Humanos do Servizo Galego de Saúde no prazo de un mes contado desde o día seguinte á súa publicación.

Ferrol, 28 de agosto de 2025

Fernanda López Crecente
Xerente da Área Sanitaria de Ferrol

ANEXO

Posto de traballo: xefe/a do Servizo de Atención Primaria (Fontenla Maristany A).

Nome e apelidos: Antonio Otero Peña.

DNI: ****718**.