O Pleno do Concello, na sesión que tivo lugar o 11.7.2025, adoptou, entre outros, o seguinte acordo:
«Primeiro. Cambiar o uso da parcela catastral 9176501NH4997N, de superficie 560 m2 de solo de titularidade municipal, cualificado como equipamento público do sistema local de dotacións co uso “abastecemento” (AB-Pb) polo PXOM/13, pasando a ter unha cualificación urbanística de equipamento público do sistema local de dotacións co uso “cultural” (CU-Pb), coas finalidades recollidas no PXOM/13 no título V da normativa.
Segundo. Publicar este acordo no Diario Oficial de Galicia e no Boletín Oficial da provincia, e achegar o documento na Consellería de Vivenda e Planificación de Infraestruturas da Xunta de Galicia, para a súa inscrición no Rexistro de Ordenación do Territorio e Planeamento Urbanístico de Galicia.
Terceiro. Remitir o acordo aos departamentos municipais interesados na súa tramitación, para os efectos do seu coñecemento».
O contido íntegro do cambio de uso aprobado pódese consultar fisicamente nas dependencias da Área Municipal de Urbanismo; e de forma dixital na sede electrónica deste concello, na páxina web https://www.coruna.gal/urbanismo, na epígrafe «planeamento/planeamento vixente»; ou ben, desde a mesma páxina web, a través do visor «desenvolvemento do planeamento».
Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo perante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo máximo de dous meses, que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme a dereito.
A Coruña, 30 de xullo de 2025
A alcaldesa
P.D. (Decreto 3531/2024, do 19 de xuño; BOP número 123, do 27 de xuño)
José Manuel Lage Tuñas
Concelleiro delegado responsable da Área de Economía e Planificación Estratéxica