DOG 177 do 15/9/2025 - RESOLUCIÓN do 25 de agosto de 2025, do Departamento Territorial de Pontevedra, pola que se anuncia o levantamento das actas previas á ocupación dos bens e dereitos afectados pola instalación eléctrica denominada LMTA, LMTS VAA708, CTC e ITC O Carballás, no concello de Gondomar, do que resulta como beneficiaria a empresa UFD Distribución Electricidad, S.A. (expediente IN407A 2023/238-4).

VI. Anuncios

a) Administración autonómica

Consellería de Economía e Industria

RESOLUCIÓN do 25 de agosto de 2025, do Departamento Territorial de Pontevedra, pola que se anuncia o levantamento das actas previas á ocupación dos bens e dereitos afectados pola instalación eléctrica denominada LMTA, LMTS VAA708, CTC e ITC O Carballás, no concello de Gondomar, do que resulta como beneficiaria a empresa UFD Distribución Electricidad, S.A. (expediente IN407A 2023/238-4).

A instalación denominada LMTA, LMTS VAA708, CTC e ITC O Carballás foi declarada de utilidade pública mediante Resolución do 1 de abril de 2024, da Xefatura Territorial de Pontevedra, o que leva implícita a urxente ocupación dos bens e dereitos afectados, e ten a condición de beneficiaria a empresa UFD Distribución Electricidad, S.A.

Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o 30 de setembro de 2025, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello de Gondomar.

A persoa interesada recibirá unha notificación individual coa debida antelación legal, en que se lle comunicará a data e a hora na cal deberá presentarse no seu predio e infórmase de que poderá ir acompañada por un perito ou un notario, pola súa conta, se así o considera conveniente.

Cando as persoas propietarias ou titulares de dereitos sobre os predios afectados sexan descoñecidos ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.

Vigo, 25 de agosto de 2025

Beatriz López del Olmo
Directora territorial de Pontevedra

ANEXO

LMTA, LMTS VAA708, CTC e ITC O Carballás

Nº	Referencia catastral	Lugar	Representa	Titular	Nº apoio	m2 solo	ml aérea	ml sub.	m2 aérea	m2 sub.
1	2814711NG2621S0001EK	O Carballás		Descoñecido	CT	14,96		4,08		16,38
2	54021A072005710000KH	Baralla		Descoñecido	1	1,44	11,13	2,59	148,75	7,77
3	54021A072005700000KU	Baralla		Descoñecido					64,96
4	54021A072005690000KW	Baralla		Descoñecido	1	1,69	4,84		57,08
5	54021A072005220000KO	Baralla	Rosendo Hermida Pérez	Hros. María Esther Pérez Rodríguez					29,83
6	54021A071002540000KT	Baralla		Miguel Pérez Carro					7,56
7	54021A072005210000KM	Baralla		María Doval Vila					4,66