De conformidade cos artigos 40, 42, 44 e 46 da Lei 39/2015, do 1 de outubro, do procedemento administrativo común das administracións públicas, logo de intentar en tempo e forma a práctica das notificacións dos actos administrativos que se relacionan no anexo sen que fose posible por causas non imputables á Administración, a través deste anuncio emprázanse, para proceder á notificación dos actos administrativos de citación, as persoas interesadas que se sinalan no dito anexo.

Para coñeceren o contido íntegro dos actos que se notifican, as ditas persoas interesadas, por si ou a través das persoas que as representen debidamente acreditadas, poderán comparecer no prazo de dez días hábiles, contados desde o día seguinte ao da publicación deste anuncio no Boletín Oficial del Estado, nas dependencias do Servizo de Discapacidade do Departamento Territorial da Consellería de Política Social e Igualdade da Coruña, Sección de Cualificación e Valoración de Discapacidades, sitas no Edificio Administrativo, ala sur, Monelos; rúa Vicente Ferrer, 2, 15008 A Coruña, das 9.00 ás 14.00 horas, de luns a venres. Transcorrido o prazo sen se efectuar a comparecencia, a notificación entenderase producida no momento do vencemento do prazo indicado para comparecer.

Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírteselles que, de non atenderen ao establecido no acto de citación unha vez efectuada a súa notificación por comparecencia ou tras o seu vencemento, de acordo co disposto no artigo 95 da Lei 39/2015, do 1 de outubro, unha vez transcorridos tres meses sen se realizar as actividades necesarias para continuar coa tramitación se producirá a caducidade do procedemento pola paralización imputable á persoa interesada e se acordará o arquivamento das actuacións logo da resolución que lle será notificada á dita persoa interesada.

A Coruña, 25 de agosto de 2025

A directora territorial da Coruña
P.S. (Decreto 139/2024, do 20 de maio)
María Soñora Ferreirós
Xefa do Servizo de Coordinación Administrativa

ANEXO

Procedemento BS611A Expediente	Persoa interesada	Acto administrativo	Data do acto administrativo
2025/1935-1	32768271X	Citación para o recoñecemento	1.8.2025
2024/3035-1	76359752M	Citación para o recoñecemento	1.8.2025
2024/12363-1	32687165W	Citación para o recoñecemento	7.8.2025
2025/1211-1	34308913C	Citación para o recoñecemento	5.8.2025
2024/9649-1	32307969F	Citación para o recoñecemento	5.8.2025
2023/7389-1	76779904Q	Citación para o recoñecemento	1.8.2025
2025/0342-3	Y6293472L	Citación para o recoñecemento	5.8.2025