Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado (BOE) resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio cítanse os titulares dos predios relacionados no anexo para seren notificados por comparecencia, por non ser posible a notificación prevista na citada norma, da constitución, por parte da empresa beneficiaria, do depósito de pagamento do prezo xusto e xuros de demora acordado mediante a Resolución do Xurado de Expropiación de Galicia, relativo ás afectacións derivadas da construción da instalación eléctrica denominada Peche derivadas PRS811, VLL810 e VLL825, situada nos concellos da Peroxa, Nogueira de Ramuín e O Pereiro de Aguiar.

As persoas titulares ou os seus representantes deberán comparecer no prazo de dez (10) días, contados a partir do día seguinte ao da publicación deste anuncio no taboleiro de edictos único do BOE, nas dependencias do Departamento Territorial da Consellería de Economía e Industria (rúa Curros Enríquez, 1, 4º andar, 32003 Ourense), das 9.00 ás 14.00 horas, de luns a venres. Na comparecencia terán que presentar unha copia do seu DNI/NIF, a documentación que os acredite como titulares dos predios afectados e unha certificación de titularidade da conta bancaria onde se lles ingresará a cantidade correspondente ao depósito constituído ao seu favor. A eficacia deste anuncio queda supeditada á súa publicación no taboleiro de edictos único (TEU).

Ourense, 1 de setembro de 2025

Alicia María López Míguez
Directora territorial de Ourense

ANEXO

Relación de afectados descoñecidos, con enderezo ignorado ou non notificados

Nº de expediente: IN407A 2023/31-3.

Instalación: peche derivadas PRS811, VLL810 e VLL825.

Concellos: A Peroxa, Nogueira de Ramuín e O Pereiro de Aguiar.

Entidade beneficiaria: UFD Distribución Electricidad, S.A.

Predio núm.	Lugar	Referencia catastral	Titular	Data do depósito
3	Cortiña	32053A018007460000IU	Manuel Vilanova Marica	18.7.2025
5	Sequeiro	32053A018007490000IA	Manuel Pereira Rodríguez	18.7.2025
8	Bodega	32060A068007280000QP	Antonio Fernández Rodríguez	18.7.2025
11	A Bodega	32060A068002600000QO	María del Carmen Rodríguez Fernández	18.7.2025
14	Forniño	32060A068002640000QX	Emilia Iglesias Moure	18.7.2025
23	Monte da Mariña	32060A069000390000QM	Antonio Taboada Fernández	18.7.2025
31	Monte Bouza	32060A069003080000QZ	Descoñecido/a	18.7.2025
36	Granxa	32059A007003530000OX	Josefa Pérez	18.7.2025