De acordo co artigo 12 da Orde do 4 de xuño de 2025 pola que se establecen as bases reguladoras para a concesión de bolsas, en réxime de concorrencia competitiva, para persoas colaboradoras na residencia do Centro Galego de Tecnificación Deportiva para o curso 2025/26, e pola que se procede á súa convocatoria (código de procedemento DE400A) (DOG número 115, do 18 de xuño), e conforme o informe da Comisión de Selección, o 11 de agosto de 2025 a Secretaría Xeral para o Deporte formulou a proposta de resolución provisional das bolsas, en réxime de concorrencia competitiva, para persoas colaboradoras na residencia do Centro Galego de Tecnificación Deportiva (CGTD) para a tempada 2025/26. O mesmo día publicouse a proposta de resolución provisional na páxina web da Secretaría Xeral para o Deporte e concedeuse un prazo de 10 días para presentar alegacións, que rematou o 26 de agosto de 2025.

Presentou unha alegación Ariadna Becerra Bernárdez, quen presenta o certificado de deportista DGAN, o cal se acepta para a súa valoración.

Por outra banda, Lucía da Costa Piñeiro presentou a súa renuncia o 25 de agosto de 2025, polo que se elimina da relación de persoas beneficiarias e se propón a seguinte persoa da lista de reserva por puntuación.

Segundo o artigo 16 das bases reguladoras, «O número de prazas convocadas é de 6. Para a súa cobertura atenderase, de ser posible en función das solicitudes presentadas, a criterios paritarios, de tal forma que 3 prazas sexan ocupadas por persoas do sexo feminino e as outras 3 por persoas do sexo masculino, coa finalidade de garantir unha correcta atención ao colectivo de deportistas do centro. Con esta finalidade, as prazas destinadas a cada sexo serán ocupadas polas persoas dese sexo que acaden a maior puntuación, en aplicación dos criterios de valoración previstos no artigo 9. No caso de que, polo número de solicitudes presentadas, non sexa posible cubrir as prazas reservadas a un dos sexos, serán cubertas polas persoas solicitantes do outro sexo».

O 9 de setembro de 2025 a Secretaría Xeral para o Deporte formulou a proposta de resolución definitiva de adxudicación das bolsas.

O artigo 12 das bases reguladoras establece que, baseándose na proposta de resolución definitiva, a persoa titular da Consellería de Presidencia, Xustiza e Deportes ditará a resolución pola que se adxudican as bolsas para persoas colaboradoras na residencia do Centro Galego de Tecnificación Deportiva para o curso 2025/26. Esta resolución publicarase no Diario Oficial de Galicia, de conformidade co establecido no artigo 45 da Lei 39/2015, do 1 de outubro, do procedemento administrativo común das administracións públicas e, así mesmo, será igualmente obxecto de publicidade a través da páxina web da Secretaría Xeral para o Deporte.

De acordo co exposto,

RESOLVO:

Adxudicar as bolsas de persoas colaboradoras na residencia do Centro Galego de Tecnificación Deportiva para o curso 2025/26, segundo a relación que figura como anexo I desta resolución.

As persoas beneficiarias disporán dun prazo de dez días para a súa aceptación, transcorrido o cal sen que se produza manifestación expresa se entenderá tacitamente aceptada.

As baixas que se produzan unha vez publicada a listaxe definitiva terán que ser comunicadas inmediatamente e por escrito ao enderezo de correo cgtd@xunta.gal para que poidan ser cubertas.

Contra esta resolución, que pon fin á vía administrativa, poderase interpor recurso potestativo de reposición ante a persoa titular da Consellería de Presidencia, Xustiza e Deportes no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de setembro de 2025

O conselleiro de Presidencia, Xustiza e Deportes
P.D. (Orde do 12.6.2024; DOG núm. 117, do 18 de xuño)
José Ramón Lete Lasa
Secretario xeral para o Deporte

ANEXO I

Listaxe de persoas colaboradoras no CGTD e listaxe de reserva

Nº	Persoa solicitante colaboradora	Muller /home	Nova/ renova	Estudante CCAFD, univ., CFS	Puntos	Proxecto de actividades	Puntos	DGAN/DAN/DAR/CGTD	Puntos	Titulo CCAFD / maxisterio/ téc. deportivo	Puntos	Informe da Dirección	Puntos	Total de puntos
1	Picón Voces, Carlos Gutier	Home	Renova	CCAFD	6,0	2	2,0	DGAN/CTD	5,0		0,0	3	3,0	16,00
2	Bello Álvarez, Saúl	Home	Renova	Universitarios	3,0	0	0,0	DGAN/CGTD	5,0	CCAFD	4,0	3	3,0	15,00
3	Giadás Couselo, Aarón	Home	Renova	CCAFD	6,0	4	4,0		0,0		0,0	3-	3,0	13,00
4	Lata Cagiao, Irene	Muller	Nova	Universitarios	3,0		0,0	DGAN/CGTD	5,0	Maxisterio	3,0	-		11,00
5	Vázquez García, Luis	Home	Nova	CFS	2,0	3	3,0			T. deportivo	3,0	-		8,00
6	Becerra Bernárdez, Ariadna	Muller	Nova	CFS	2,0			DGAN	4,0	T. deportivo	1,0		0,0	7,00
Reserva
7	Gómez Dacunha, Héctor	Home	Renova	CFS	2,0	2	2,0					3	3,0	7,00
8	Hernández Pérez, Diego	Home	Nova	CFS	2,0									2,0
Non admitidas
9	Oviedo Miranda, Erika Alexandra	Muller	Nova											0,0
10	Picón Voces, Iria Julia	Muller	Nova			3	3,0							3,0