Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado (BOE) resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio infórmase da presentación das follas de valoración da entidade beneficiaria no procedemento de expropiación sobre os bens e dereitos afectados pola instalación eléctrica denominada Regulamentación LMTA VII810 no tramo entre os apoios núms. 126-5 e 126-13, situada no concello de Cualedro, correspondentes aos predios e ás titularidades que se sinalan no cadro anexo. Así mesmo, indícase a data da acta de autorización á empresa beneficiaria para poder ocupar os predios afectados.

O texto íntegro das referidas follas de valoración atópase ao dispor das persoas titulares na sede do Departamento Territorial da Consellería de Economía e Industria (rúa Curros Enríquez, núm. 1, 4º andar, 32003 Ourense) tras pediren cita previa no teléfono 988 38 67 28, das 9.00 ás 14.00 horas, de luns a venres. As persoas titulares disporán dun prazo de dez (10) días, contados a partir do día seguinte ao da publicación deste anuncio no taboleiro de edictos único do BOE, para solicitaren a remisión das correspondentes follas ao enderezo que sinalen. Transcorrido o dito prazo de dez (10) días sen se efectuar a comparecencia, a notificación entenderase producida desde o día seguinte ao do vencemento do prazo fixado para comparecer.

Ourense, 27 de agosto de 2025

Alicia María López Míguez
Directora territorial de Ourense

ANEXO

Relación de afectados descoñecidos, con enderezo ignorado ou non notificados

Nº de expediente: IN407A 2024/87-3.

Denominación: Regulamentación LMTA VII810 no treito entre os apoios núms. 126-5 e 126-13.

Concello: Cualedro.

Empresa beneficiaria: UFD Distribución Electricidad, S.A.

Data da acta de ocupación: 7 de xullo de 2025.

Predio núm.	Lugar	Referencia catastral	Titular
1	Auga Tallada	32029A503001640000HE	Herdeiros de Antonio Rodríguez Atanes
2	Ventoso	32029A198000730000EG	CMVMC de Cualedro
4	As Besadas	32029A225001880000SF	Herdeiros de Benjamín Paz Loureiro
5	O Penedo	32029A225001430000SH	Silverio González Atanes
6	A Costa	32029A240006740000SQ	Caridad Barreira Atanes