No Diario Oficial de Galicia núm. 64, do 1 de abril de 2022, publicouse a Orde do 30 de marzo de 2022 pola que se convocan subvencións para a transformación de frotas de transporte de viaxeiros e mercadorías de empresas privadas prestadoras de servizos de transporte por estrada, así como de empresas que realicen transporte privado complementario, no marco do compoñente 1 do Plan de recuperación, transformación e resiliencia, financiado pola Unión Europea-NextGenerationEU, xestionado polo Ministerio de Transportes, Mobilidade e Axenda Urbana para os anos 2022, 2023 e 2024 (códigos de procedemento IF318B, IF318C, IF318D, IF318E e IF318F).

O crédito existente para a concesión das axudas previstas na dita orde foi ampliado mediante a Orde do 9 de xaneiro de 2023, da Consellería de Infraestruturas e Mobilidade (Diario Oficial de Galicia núm. 10, do 16 de xaneiro) por importe de 7.574.288,47 €.

O crédito dispoñible foi ampliado por segunda vez mediante a publicación no Diario Oficial de Galicia núm. 204, do 26 de outubro de 2023, da Orde do 19 de outubro de 2023, pola que se amplía o crédito existente para a concesión das axudas previstas na Orde do 30 de marzo de 2022, por un importe total de 9.074.947,09 €.

De conformidade co establecido no artigo 4.2 da Orde reguladora das axudas, quedando menos de tres meses para a finalización da vixencia da convocatoria (30 de abril de 2024) e tras constatar que na actividade 1 (achatarramento) existía unha lista de agarda, mentres que o resto das partidas orzamentarias non esgotaron o crédito asignado, acordouse unha redistribución do orzamento a favor desta liña, quedando sen efecto as porcentaxes establecidas no artigo 7.4 do Real decreto 983/2021, do 16 de novembro. Os criterios para esta redistribución recóllense na Orde do 6 de marzo de 2024 (DOG núm. 54, do 15 de marzo) e a concreción do importe finalmente asignado a esta na Resolución do 22 de marzo de 2024 do director xeral de Mobilidade.

A través da Orde do 24 de outubro de 2024 foi aprobada unha terceira ampliación do crédito dispoñible para estas subvencións, publicada no Diario Oficial de Galicia núm. 211, do 31 de outubro, que incrementou os fondos destinados ás axudas establecidas na Orde do 30 de marzo de 2022 cunha dotación adicional de 1.358.883,13 €.

Finalmente, acordouse unha cuarta ampliación do crédito de acordo co disposto na Orde do 2 de abril de 2025 (publicada no Diario Oficial de Galicia núm. 70, do 10 de abril) por un importe total de 4.005.992,37 € con fondos propios do Ministerio de Transportes e Mobilidade Sustentable, segundo o previsto no Real decreto lei 4/2024, do 26 de xuño, polo que se prorrogan determinadas medidas para afrontar as consecuencias económicas e sociais derivadas dos conflitos en Ucraína e Oriente Próximo e se adoptan medidas urxentes en materia fiscal, enerxética e social.

En cumprimento do artigo 27 punto 1 da Orde do 30 de marzo de 2022, a Consellería de Presidencia, Xustiza e Deportes debe dar publicidade no Diario Oficial de Galicia ás subvencións concedidas ao abeiro desta convocatoria, mediante a relación dos beneficiarios e o importe de axuda outorgada. Con todo, cando os importes das subvencións concedidas, individualmente consideradas, sexan de contía inferior a 3.000,00 euros, non será necesaria a publicación no Diario Oficial de Galicia, que será substituída pola publicación das subvencións concedidas na páxina web da Consellería (https://conselleriadepresidencia.xunta.gal/es/transporte-de-viaxeiros/axudas-e-subvencions?content=axuda_00012.xml).

As axudas concedidas desde a entrada en vigor da subvención publicáronse a través das seguintes resolucións:

– Na Resolución do 1 de marzo de 2023 publicáronse as axudas concedidas ata o 31.12.2022 (DOG núm. 48, do 9 de marzo).

– Na Resolución do 9 de maio de 2023 modificouse a Resolución do 1 de marzo de 2023 onde se publicaron as axudas concedidas ata o 31.12.2022 (DOG núm. 97, do 24 de maio).

– Na Resolución do 5 de maio de 2023 publicáronse as axudas concedidas entre o 1.1.2023 e o 30.4.2023 (DOG núm. 91, do 12 de maio).

– Na Resolución do 5 de xullo de 2023 publicáronse as axudas concedidas entre o 1.5.2023 e o 30.6.2023 (DOG núm. 134, do 14 de xullo).

– Na Resolución do 6 de outubro de 2023 publicáronse as axudas concedidas entre o 1.7.2023 e o 30.9.2023 (DOG núm. 196, do 16 de outubro).

– Na Resolución do 11 de xaneiro de 2024 publicáronse as axudas concedidas entre o 1.10.2023 e o 31.12.2023 (DOG núm. 15, do 22 de xaneiro).

– Na Resolución do 3 de abril de 2024 publicáronse as axudas concedidas entre o 1.1.2024 e o 31.3.2024 (DOG núm. 74, do 15 de abril).

– Na Resolución do 3 de xullo de 2024 publicáronse as axudas concedidas entre o 1.4.2024 e o 30.6.2024 (DOG núm. 134, do 11 de xullo).

– Na Resolución do 3 de outubro de 2024 publicáronse as axudas concedidas entre o 1.7.2024 e o 30.9.2024 (DOG núm. 200, do 16 de outubro).

– Corrección de erros da Resolución do 3 de outubro de 2024 onde se publicaron as axudas concedidas entre o 1.7.2024 e o 30.9.2024 (DOG núm. 214, do 6 de novembro).

– Na Resolución do 9 de xaneiro de 2025 publicáronse as axudas concedidas entre o 1.10.2024 e o 31.12.2024 (DOG núm. 16, do 24 de xaneiro).

– Na Resolución do 19 de xuño de 2025 publicáronse as axudas concedidas entre o 1.1.2025 e o 31.5.2025 (DOG núm. 126, do 3 de xullo).

De acordo con todo o indicado,

RESOLVO:

Publicar como anexo as subvencións concedidas desde o 1 de xuño de 2025 ata o 31 de agosto de 2025, para o achatarramento de vehículos, a adquisición de vehículos de enerxías alternativas baixas en carbono, retrofit ou a modificación da forma de propulsión de vehículos, a implantación de infraestrutura de recarga de vehículos eléctricos e a adquisición de semirremolques para autoestradas ferroviarias.

Santiago de Compostela, 9 de setembro de 2025

O conselleiro de Presidencia, Xustiza e Deportes
P.D. (Orde do 12.6.2024; DOG núm. 117, do 18 de xuño)
Judit Fontela Baró
Directora xeral de Mobilidade

ANEXO

Subvencións concedidas desde o 1 de xuño ata o 31 de agosto de 2025 para a transformación de frotas de transporte de viaxeiros e mercadorías de empresas privadas prestadoras de servizos de transporte por estrada, así como de empresas que realicen transporte privado complementario, no marco do compoñente 1 do Plan de recuperación, transformación e resiliencia financiado pola Unión Europea-NextGenerationEU, xestionado polo Ministerio de Transportes, Mobilidade e Axenda Urbana para os anos 2022, 2023 e 2024 (códigos de procedemento IF318B, IF318C, IF318D, IF318E e IF318F)

A seguir, indícanse os importes totais outorgados ou con renuncia ou perda de dereito por solicitude, identificada a través do seu código de expediente por motivos de transparencia e para asegurar a identificación e seguimento dela. Distínguese entre as solicitudes concedidas con cargo aos fondos do Mecanismo de recuperación e resiliencia, no marco do PRTR, e aquelas outorgadas con cargo aos orzamentos xerais do Estado en virtude do disposto no título IV do Real decreto lei 4/2024, do 26 de xuño.

– Con cargo aos fondos MRR.

Actuación de achatarramento de vehículos (código de procedemento IF318B):

	Código do expediente	NIF	Beneficiario/a	Provincia	Importe concedido	Importe da renuncia ou perda de dereito
1	IF318B_2022-0510	F27816016	Rutas del Atlántico, Soc. Coop. Galega	Pontevedra	-	30.000,00 €
Total					-	30.000,00 €

– Con cargo aos orzamentos xerais do Estado.

Actuación de achatarramento de vehículos (código de procedemento IF318B):

	Código do expediente	NIF	Beneficiario/a	Provincia	Importe concedido	Importe da renuncia ou perda de dereito
1	IF318B_2024-0125	B15898323	Trans Rodyal, S.L.	A Coruña		10.000,00 €
2	IF318B_2024-0149	B27798883	Chelo García, S.L.	Pontevedra	20.000,00 €
3	IF318B_2024-0163	***7423**	Federico Fernández Méndez	Lugo	-	10.000,00 €
Total					20.000,00 €	20.000,00 €

No relativo ás actividades de adquisición de vehículos de enerxías alternativas baixas en carbono (código de procedemento IF318C), retrofit ou modificación da forma de propulsión de vehículos (código de procedemento IF318D), de implantación de infraestruturas de recarga de vehículos eléctricos (código de procedemento IF318E) e de adquisición de semirremolques para autoestradas ferroviarias (IF318F), non foron concedidas axudas para estas actuacións no período indicado.