Mediante a Resolución do 9 de xullo de 2025 pola que se resolve o concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galicia, escalas de enxeñeiros, enxeñeiros técnicos, arquitectos, arquitectos técnicos e ciencias (DOG núm. 132, do 11 de xullo), en diante Resolución do 9 de xullo, resolveuse o concurso ordinario convocado pola Resolución do 27 de febreiro de 2024.

No anexo II da dita resolución publícanse os postos adxudicados ás persoas participantes no concurso de traslados. Non obstante, no dito anexo figuran oito postos afectados por medidas cautelares acordadas polo Tribunal Superior de Xustiza de Galicia en que suspende o acto de toma de posesión dos ditos postos.

Co fin de preservar os dereitos das persoas adxudicatarias que se viron afectadas pola execución das medidas cautelares, estas tomarán posesión nun posto de similares características aos que lles foron adxudicados na Resolución do 9 de xullo de 2025 e con idénticos efectos.

Por outra banda, o Tribunal Superior de Xustiza de Galicia, mediante a Sentenza 470/2025, do 9 de xullo de 2025, determina que deben anularse as adxudicacións de oficio ás dúas persoas participantes no concurso que figuran no anexo III da Resolución do 9 de xullo.

Polo exposto, no uso das competencias delegadas pola Consellería de Facenda e Administración Pública en virtude do disposto no artigo 1 da Orde do 8 de xaneiro de 2020 (DOG núm. 16, do 24 de xaneiro), e de conformidade co previsto na base IX.5 da convocatoria, esta dirección xeral

RESOLVE:

Primeiro. En execución dos autos de medidas cautelares do Tribunal Superior de Xustiza de Galicia, modificar o anexo II da Resolución do 9 de xullo de 2025 e excluír os postos que se indican no anexo I desta resolución. As persoas afectadas tomarán posesión, de xeito simultáneo ao resto de persoas adxudicatarias, en postos de similares características aos adxudicados, e con idénticos efectos.

Segundo. Anular as adxudicacións de oficio recollidas no anexo III da Resolución do 9 de xullo de 2025, que se reflicten no anexo II desta resolución.

Terceiro. Abrir o prazo de toma de posesión que se establece no punto terceiro da Resolución do 9 de xullo de 2025, que se producirá o día seguinte ao do cesamento. O cesamento deberá efectuarse o día 21 de outubro de 2025.

De conformidade co previsto na Lei 2/2015, do 29 de abril, do emprego público de Galicia, e no artigo 8 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira de Administración xeral da Comunidade Autónoma de Galicia e das entidades públicas instrumentais integrantes do sector público autonómico, o prazo da toma de posesión comezará a contar a partir do día seguinte ao do cesamento e será de tres días hábiles se non implica cambio de residencia, ou de sete días hábiles se comporta cambio de residencia.

Se a adxudicación comporta o reingreso ao servizo activo, o prazo de toma de posesión será dun mes e empezará a computarse o día 22 de outubro de 2025.

Cuarto. Contra esta resolución, que pon fin á vía administrativa, poderase interpoñer recurso potestativo de reposición ante esta mesma dirección xeral no prazo dun mes, que se contará desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas ou, directamente, recurso contencioso-administrativo perante o xulgado do contencioso-administrativo correspondente, no prazo de dous meses contados desde a mesma data, de conformidade co establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 24 de setembro de 2025

Nuria Aguilar Vázquez
Directora xeral de Emprego Público e Administración de Persoal

ANEXO I

Adxudicacións que se modifican

Posto	Código do posto	Denominación	Cons.	Concello	Nivel	1º apelido	2º apelido	Nome	NIF	Subgrupo	Puntos
431	MR.C99.10.701.27001.011	Xefatura área técnica III	MR	Lugo	26	Bruña	García	Xabier	***1842**	A2	21,840
232	ED.C99.10.000.15001.261	Xefatura sección oficina supervisión proxectos	ED	A Coruña	25	Castillo	Losada	María Dolores	***4393**	A2	24,220
447	MR.C99.10.801.15001.010	Xefatura área defensa contra incendios II	MR	A Coruña	26	García	Lema	Luis Ángel	***0093**	A2	23,910
228	ED.C99.10.000.15001.247	Xefatura sección da unidade técnica	ED	A Coruña	25	López	Becerra	Javier	***5259**	A2	23,700
76	FC.A29.10.000.15001.187	Xefatura sección facultativo/a técnico/a	FC	A Coruña	25	López	Núñez	María Consuelo	***5611**	A2	22,780
64	MA.O19.10.000.15001.090	Arquitecto/a técnico/a funcións facultativas	MA	A Coruña	22	Martínez	Riola	Manuel	***4016**	A2	15,690
63	MA.O19.10.000.15001.089	Arquitecto/a técnico/a funcións facultativas	MA	A Coruña	22	Seijo	Rodríguez	Alejo	***7757**	A2	19,304
77	FC.A29.10.000.15001.188	Xefatura sección facultativo/a técnico/a	FC	A Coruña	25	Vázquez	Rey	Jorge	***1547**	A2	21,170

ANEXO II

Adxudicacións que se anulan

1º apelido	2º apelido	Nome	NIF	Subgrupo	Posto	Código do posto	Denominación	Cons.	Concello	Nivel
Palacios	Alonso	Teresa	***9478**	A1	60	MA.O11.00.004.15770.035	Enxeñeiro/a funcións facultativas	MA	Santiago de Compostela	26
López	Blanco	Antonio	***2949**	A1	91	IV.A10.00.000.15770.009	Enxeñeiro/a funcións facultativas	IV	Santiago de Compostela	26