Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio notifícanselle á persoa interesada a Resolución desta dirección territorial, do 12 de febreiro de 2025, pola que se concede a autorización administrativa previa, de construción e declaración de utilidade pública, en concreto, dunha instalación de distribución eléctrica a favor da entidade UFD Distribución Electricidad, S.A.

A citada resolución corresponde ao proxecto de instalación eléctrica denominada LMT, CTC e RBTS O Castriño no concello de Rianxo (expediente IN407A 2024/102-1).

O texto íntegro da resolución está á disposición da persoa interesada na sede do Departamento Territorial da Consellería de Economía e Industria da Coruña, sita no Edificio Administrativo de Monelos, sita na rúa Vicente Ferrer, 2, 2º andar, 15008 A Coruña, na Sección de Enerxía (teléfono 981 18 49 02), das 9.00 ás 14.00 horas, de luns a venres. A persoa interesada disporán dun prazo de dez (10) días, contados a partir do día seguinte ao da publicación deste anuncio, para solicitar a remisión da resolución ao enderezo que sinalen.

Contra esta resolución, que non pon fin á vía administrativa, a persoa interesada poderá interpoñer recurso de alzada, ante a conselleira de Economía e Industria, no prazo dun (1) mes, contado a partir do día seguinte ao da publicación deste anuncio, ou interpoñer calquera outro recurso que xulguen procedente.

A Coruña, 15 de setembro de 2025

Isidoro Martínez Arca
Director territorial da Coruña

ANEXO

Relacións de bens e dereitos afectados

Expediente: IN407A 2024/102-1.

Solicitante: UFD Distribución Electricidad, S.A.

Denominación da instalación: LMT, CTC e RBTS O Castriño.

Concello: Rianxo.

Predio proxecto	Persoa propietaria/titular	Referencia catastral	Lugar	Afección de solo pleno dominio		Afección de solo por servidume de paso de enerxía eléctrica				Natureza do terreo
				Apoio núm.	Superficie (m²)	ml aér.	ml sot.	m² aér.	m² sot.
2	Descoñecido	4545018NH1244N0001FY	rúa Castriño 4	Centro de transformación	35,0		5,0		14,0	Labor

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m² aér.: superficie de servidume aérea en m².

m² sot.: superficie de servidume soterrada en m².