Dado que se trata dun único acto de elección, cunha única relación de postos e unha soa adxudicación e, tendo en conta que coexisten varios procesos selectivos correspondentes a varias ofertas de emprego publico, así como os procesos selectivos extraordinarios de estabilización da Lei 20/2021 convocados polo sistema de concurso e polo sistema de concurso oposición, e de cara a garantir a asignación dunha praza a todos as persoas aspirantes,

DISPÓN:

Primeiro. Para os procesos selectivos non afectados pola Lei 20/2021 e no suposto de que unha persoa aspirante figure incluída nos anexos I en diferentes corpos, escalas ou especialidades, deberá optar por unha delas no acto de elección de destino e solicitar nas outras a excedencia por prestación de servizos no sector público no mesmo prazo previsto na disposición terceira, sempre que se cumpran os requisitos exixidos no artigo 174 da Lei 2/2015, do 29 de abril, de emprego público de Galicia. No caso de que non se observe o disposto anteriormente e elixan posto en máis dun corpo, escala ou especialidade, adxudicaráselles o posto correspondente á convocatoria máis antiga segundo os criterios establecidos na Resolución do 29 de setembro de 2025 e, de existir coincidencia, o posto en que teña a mellor posición na orde do proceso selectivo.

Para os procesos de estabilización derivados da Lei 20/2021 terase en conta o establecido no artigo 5.2ª da Resolución do 29 de setembro de 2025.

Segundo. Engadir prazas ao anexo II da Resolución do 29 de setembro da especialidade de enxeñaría industrial (subgrupo A1).

Terceiro. Substitúese a praza número 31 do anexo II da Resolución do 29 de setembro da especialidade de bioloxía (subgrupo A1).

Cuarto. Advírtese un erro no código da praza número 114 do anexo II da Resolución do 29 de setembro das especialidades de enxeñaría agronómica (subgrupo A1) e de enxeñaría técnico agrícola (subgrupo A2) e cámbiase polo código MRC070000115770008.

Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun mes, contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo no prazo de dous meses, contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 2 de outubro de 2025

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO II (engadido)

Prazas ofertadas

Especialidades de enxeñaría industrial (subgrupo A1) e de enxeñaría técnica industrial (subgrupo A2)

Nº	Código	Nome	Cons.	Centro de destino	Centro directivo	Concello	Adscr.	Nivel	Formación
53	MAC040000015770044	Xefatura da Área de Intervención Ambiental III	MA	D. X. de Calidade Ambiental e Sostibilidade	Dirección Xeral de Calidade Ambiental e Sostibilidade	Santiago de Compostela	A1	26	787-954
54	MAC040000015770015	Posto base subgrupo A1	MA	D. X. de Calidade Ambiental e Sostibilidade	Dirección Xeral de Calidade Ambiental e Sostibilidade	Santiago de Compostela	A1	20

Formacións específicas
Código	Descrición
787	Experiencia en inspección ambiental (mérito)
954	Permiso de conducir B (R.I.).

ANEXO II (engadido)

Prazas ofertadas

Especialidade de bioloxía (subgrupo A1)

Nº	Código	Nome	Cons.	Centro destino	Centro directivo	Concello	Adscr.	Nivel
31	MAC991000015001024	Posto base subgrupo A1	MA	Departamento Territorial da Coruña	Servizos periféricos	A Coruña	A1	20