De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentar sen éxito a notificación persoal a través do servizo de Correos, notifícaselles ás persoas interesadas que se sinalan no anexo deste anuncio o requirimento de documentación.

Este anuncio publicarase no Diario Oficial de Galicia, aínda que a súa eficacia queda supeditada á súa publicación no taboleiro de edictos único (TEU) do Boletín Oficial del Estado (BOE), polo que o prazo para presentar a documentación se computará desde esa publicación.

As persoas interesadas poderán coñecer o texto íntegro do requirimento nas dependencias da Secretaría Xeral da Emigración, na praza de Mazarelos, 15, 15703 Santiago de Compostela (A Coruña), das 9.00 ás 14.00 horas, de luns a venres.

Así mesmo, tamén se lles comunica ás persoas interesadas que, de conformidade co establecido no artigo 68 da Lei 39/2015, do 1 de outubro, do procedemento administrativo común das administracións públicas, se non presentan a documentación que se lles require no prazo de dez días hábiles, contados desde o día seguinte ao da publicación desta notificación no BOE, se considerarán desistidas da súa solicitude, logo da correspondente resolución que será ditada nos termos previstos no artigo 21 da dita lei.

Santiago de Compostela, 23 de setembro de 2025

Antonio Rodríguez Miranda
Secretario xeral da Emigración

ANEXO

Procedemento/Nº expediente	DNI	Acto obxecto de notificación	Data do documento
PR905A 2025/685	30857891X	Requirimento	4.7.2025
PR905A 2025/777	04679207H	Requirimento	23.7.2025
PR905A 2025/817	55851842E	Requirimento	6.8.2025
PR905A 2025/849	XDF369714	Requirimento	6.8.2025