Antecedentes:

1. O día 21 de xaneiro de 2025, a Confraría de Pescadores de Noia solicitou autorización para a transmisión inter vivos do permiso de actividade e da concesión de ocupación de dominio público marítimo-terrestre do criadeiro situado na Estibada da Marta, San Xoán do Freixo, Outes, a favor da Asociación Organización de Produtores Pesqueiros de Noia OPP-Noia (OPP95).

2. A persoa interesada achegou a documentación requirida para a súa tramitación.

3. O día 1 de outubro de 2025, o técnico facultativo de Recursos Mariños do Departamento Territorial da Coruña da Consellería do Mar emitiu informe técnico-biolóxico sobre a transmisión do permiso de actividade e concesión de ocupación de dominio público marítimo-terrestre do Criadeiro de Noia.

Consideracións legais e técnicas:

1. A competencia para ditar esta resolución corresponde á persoa titular da Consellería do Mar, de conformidade co disposto no Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre.

En virtude da Orde do 21 de febreiro de 2022, sobre delegación de competencias en diversos órganos de dirección da Consellería do Mar e na Presidencia da entidade empresarial Portos de Galicia, delégase esta competencia nas persoas titulares dos departamentos territoriais da Consellería do Mar.

2. O procedemento seguiu todos os trámites establecidos na Lei 39/2015, do procedemento administrativo común das administracións públicas, coas especialidades previstas no Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre, e na Orde do 21 de xullo de 2000 pola que se regula o procedemento para a transmisión da titularidade do permiso de actividade en establecementos de cultivos mariños e auxiliares na zona terrestre.

De acordo con todo o indicado,

RESOLVO:

Autorizar a transmisión inter vivos do permiso de actividade e da concesión de ocupación de dominio público marítimo-terrestre do seguinte establecemento de acuicultura:

Nome do establecemento: Criadeiro de Noia.

Localización: Estibada da Marta, San Xoán do Freixo, Outes (A Coruña).

Tipo de establecemento: criadeiro.

Número de rexistro: REA06644.

Superficie dominio público marítimo-terrestre: 162 m².

Superficie dominio privado: superficie ocupada polas instalacións: 2.461,60 m²; superficie total da parcela: 6.793,25 m².

Especies autorizadas: mexillón (Mytilus galloprovincialis), volandeira (Aequipecten opercularis), carneiro (Venus verrucosa), zamburiña (Chlamys varia), ameixa xaponesa (Ruditapes philippinarum), navalla (Ensis magnus), ameixa babosa (Venerupis corrugata), cadelucha (Donax trunculus), longueirón (Ensis siliqua), ostra (Ostrea edulis), vieira (Pecten maximus), ameixa rubia (Venerupis rhomboides), berberecho (Cerastoderma edule) e ameixa fina (Ruditapes decussatus).

Título habilitante: permiso de actividade e concesión de ocupación de dominio público marítimo-terrestre.

Data da resolución do outorgamento: 7.10.2021 (DOG núm. 213, do 5.11.2021).

Inicio da vixencia: 6.11.2021.

Remate da vixencia: 6.11.2031.

Tipo de transmisión: inter vivos.

Actual titular: Confraría de Pescadores de Noia (G15030844).

Novo titular: Asociación Organización de Produtores Pesqueiros de Noia-OPPNOIA (G56340458).

Baixo as seguintes condicións:

Primeira. O novo titular deberá presentar, no prazo máximo dun mes contado desde o día seguinte ao da publicación desta resolución no Diario Oficial de Galicia, a seguinte documentación:

a) Documento notarial da transmisión ou doazón.

b) Xustificante do pagamento do imposto sobre transmisións patrimoniais e actos xurídicos documentados ou sobre sucesións e doazóns.

Segunda. Transcorrido o prazo indicado na condición primeira sen ter presentado a documentación requirida, a autorización quedará sen efecto, logo de comunicación por parte da consellería.

Terceira. O novo titular do permiso de actividade e da concesión queda subrogado nos dereitos e obrigas do anterior, incluídas as condicións de rendibilidade e bo uso da explotación previstas no título administrativo de outorgamento, desde o momento de formalización da transmisión en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a Consellería do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e o artigo 46.1 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).

A Coruña, 1 de outubro de 2025

A conselleira do Mar
P.D. (Orde do 21.2.2022)
A directora territorial da Consellería do Mar na Coruña
P.A. (Resolución do 13.5.2024)
Miguel Gómez Losada
Xefe do Servizo de Desenvolvemento Pesqueiro