Visto o expediente para o outorgamento da autorización administrativa previa e de construción para a instalación eléctrica que a seguir se describe:

Peticionaria: Begasa.

Domicilio social: rúa Ramón María Aller Ulloa, 9, 27003 Lugo.

Denominación: cambio de localización do CT Fortunato e LAST 20 kV de enlace.

Situación: concello do Valadouro.

Características técnicas principais:

• Reforma da liña aérea de alta tensión a 20 kV San Martiño, con orixe no apoio 1A02327 existente e final no apoio A22171 existente, cunha lonxitude total de 38 metros en condutor proxectado tipo LA-110.

• Reforma da liña aérea de alta tensión a 20 kV DC S. Martiño-Fazouro, con orixe no apoio P1 proxectado tipo C-9000/20 e final no apoio A59576 existente, cunha lonxitude total de 66 metros en condutor existente tipo LA-110 en dobre circuito.

• Liña soterrada de alta tensión a 20 kV San Martiño, con orixe nun PAS situado no apoio P1 proxectado e final no CT 8173 Fortunato proxectado, cunha lonxitude de 80 metros en condutor HEPRZ1-240 mm.

• Liña soterrada de alta tensión a 20 kV San Martiño, con orixe no CT 8173 Fortunato proxectado e final nun PAS situado no apoio 1A02327 existente, cunha lonxitude de 130 metros en condutor HEPRZ1-240 mm.

• Liña soterrada de alta tensión a 20 kV Fazouro, con orixe nun PAS situado no apoio P1 proxectado e final no CT 8173 Fortunato proxectado, cunha lonxitude de 80 metros en condutor HEPRZ1-240 mm.

• CT 8173 Fortunato prefabricado, cunha potencia máxima admisible de 1.000 kVA e unha potencia inicial de 100 kVA no cal se instalan duas celas de liña e unha de interruptor automático telemandadas e unha de protección con fusibles, relación de transformación 20.000/400-230V.

• Desmontaxe de dous seccionadores, do CT 2380 Fortunato, de 120 metros de condutor RHZ1-150, de 300 metros de condutor LA-110 e 1 apoio de celosía metálica.

Finalidade da instalación: mellora de instalacións.

Orzamento: 123.334,64 €.

Documentación que se xunta:

• Separata para o Concello do Valadouro.

• Separata para a Consellería de Cultura.

• Separata para a Consellería de Vivenda.

Este departamento territorial, de acordo coas competencias que resultan do Decreto 140/2024, do 20 de maio, polo que se establece a estrutura orgánica da Consellería de Economía e Industria, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción ás ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, en particular os condicionantes específicos que o promotor debe acatar na execución das obras determinados pola Confederación Hidrográfica do Miño-Sil na resolución do expediente con referencia A/27/48196 e condicionada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá levala a cabo un técnico competente.

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de dous anos, contados a partir da data da última autorización administrativa necesaria para a súa execución. En todo caso, deberán respectarse os prazos establecidos no artigo 13.9 do Regulamento (UE) nº 2024/573 do Parlamento Europeo e do Consello, do 7 de febreiro de 2024, sobre os gases fluorados de efecto invernadoiro, polo que se modifica a Directiva (UE) nº 2019/1937, e se derroga o Regulamento (UE) nº 517/2014 (DOUE nº 573, do 20 de febreiro de 2024), sobre prohibicións para a posta en funcionamento de aparellaxe eléctrica que empregue gases fluorados de efecto invernadoiro, ou cuxo funcionamento dependa deles, nun medio illante ou de rotura.

Contra esta resolución poderase interpor recurso de alzada ante a conselleira de Economía e Industria no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 24 de setembro de 2025

Gustavo José Casasola de Cabo
Director territorial de Lugo