Para os efectos previstos no artigo 54 da Lei 7/2012, do 28 de xuño, de montes de Galicia, dáse publicidade da proposta de deslindamento parcial do monte veciñal en man común (MVMC) Da Costa cunha propiedade particular, presentada o 11 de setembro de 2025 pola Comunidade de Montes Veciñais en Man Común (CMVMC) de Santo Estevo.

Nesa mesma data, a comunidade presentou documentación onde consta o acordo da súa aprobación adoptado na asemblea xeral do 20 de xullo de 2025.

O día 22 de setembro de 2025, o Servizo de Montes de Ourense emitiu un informe favorable ao considerar que non existe unha afección significativa sobre a integridade territorial do monte.

Contra a proposta de deslindamento, no prazo dun mes, que comezará a contar a partir do día seguinte ao da publicación deste anuncio, as persoas interesadas poderán presentar ante a comunidade propietaria as alegacións e os títulos que acrediten a propiedade ou a posesión dos predios estremeiros.

Durante este prazo, a documentación estará dispoñible no Servizo de Montes de Ourense, na rúa Villaamil e Castro, s/n, das 9.00 ás 14.00 horas, de luns a venres, para os efectos de coñecer integramente o contido da dita proposta.

Ourense, 25 de setembro de 2025

José Antonio Armada Pérez
Director territorial de Ourense