No Tribunal Superior de Xustiza de Galicia, Sala do Contencioso-Administrativo, Sección 1, tramítase o recurso 468/2025 (procedemento ordinario), interposto pola Central Sindical Independiente y de Funcionarios (CSIF) contra a Resolución do 15 de xullo de 2025, da Dirección Xeral de Recursos Humanos, pola que se fai público o terceiro programa temporal para a transición xeracional do persoal facultativo das institucións hospitalarias do Servizo Galego de Saúde, dirixido ao novo persoal especialista, e se establecen os prazos para a presentación de solicitudes (DOG núm. 138, do 21 de xullo).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no tribunal como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 26 de setembro de 2025

María del Mar Pousa Cobas
Directora xeral de Recursos Humanos