Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio convócase a persoa interesada ao acto de levantamento da acta de pagamento do prezo xusto fixado polo Xurado de Expropiación de Galicia relativo ao predio afectado pola instalación eléctrica denominada Regulamentación LMTA ALB803 apoios núms. D50 e D51, na casa do concello do Carballiño, segundo o calendario e o horario que se sinalan no anexo.

A persoa titular de dereitos sobre o ben afectados deberá comparecer no dito acto por si mesma ou representada por unha persoa debidamente autorizada, e exhibir o seu DNI/NIF, así como os documentos acreditativos da titularidade. Tamén deberá achegar unha certificación de titularidade da conta bancaria onde, logo da súa solicitude, se lle ingresará, mediante transferencia, o importe do prezo xusto máis os xuros correspondentes.

Ourense, 6 de outubro de 2025

Alicia María López Míguez
Directora territorial de Ourense

ANEXO

Relación de afectados descoñecidos, con enderezo ignorado
ou non notificados

Nº de expediente: IN407A 2022/47-3.

Instalación: Regulamentación LMTA ALB803 apoios núms. D50 e D51.

Concello: O Carballiño.

Entidade beneficiaria: UFD Distribución Electricidad, S.A.

Predio núm.	Lugar	Referencia catastral	Titular	Lugar da convocatoria	Data	Hora
3	Sendeiro	32020A037014300000RO	Descoñecido/a	Casa do concello do Carballiño	25.11.2025	13.10