Mediante diversas resolucións desta dirección xeral do 15 de decembro de 2022 (DOG número 3, do 4 de xaneiro de 2023) realizouse a convocatoria, polo sistema de concurso-oposición, para o ingreso en diversas especialidades da categoría de enfermeiro/a especialista, fisioterapeuta e terapeuta ocupacional.

Así mesmo, mediante a Resolución do 4 de xuño de 2025 (DOG número 114, do 17 de xuño) publicáronse o nomeamento e a adxudicación de destino definitivo das persoas aspirantes seleccionadas nos procesos selectivos, polo sistema de concurso-oposición, para o ingreso nas categorías de enfermeiro/a especialista, fisioterapeuta, logopeda e de terapeuta ocupacional.

A base 10.4 das resolucións de convocatoria prevé que, co fin de asegurar a cobertura das prazas convocadas, no suposto de situacións en que as persoas seleccionadas por diversos motivos non continúen no proceso, se cubrirá a baixa coa persoa aspirante incluída inmediatamente a continuación na relación de seleccionadas, pola orde de prelación que resulte da lista definitiva, con independencia da quenda de acceso.

Unha vez realizado o proceso de elección de destino das prazas que resultaron prazas vacantes, logo da Resolución de nomeamento do 4 de xuño de 2025 e ao abeiro das resolucións do 15 de decembro de 2022, esta dirección xeral, como órgano convocante do proceso,

RESOLVE:

Primeiro. Coa finalidade de asegurar a cobertura das prazas convocadas no concurso-oposición, e segundo o que establece a base 10.4 das resolucións de convocatoria, realizouse a oferta das prazas que resultaron vacantes en cada unha das seguintes categorías/especialidades á/ás nova/s persoa/as aspirante/s incluída/s inmediatamente a continuación pola orde de prelación que resultou da lista definitiva, con independencia da quenda de acceso:

• Enfermeiro/a especialista en enfermaría familiar e comunitaria.

• Enfermeiro/a especialista en enfermaría pediátrica.

• Enfermeiro/a especialista en obstetricia-xinecoloxía (matrón/a).

• Fisioterapeuta.

• Terapeuta ocupacional.

De acordo coas convocatorias, quedaron sen efecto todas as actuacións dos/das aspirantes seleccionados/as que, no prazo e conforme o procedemento establecido, non seleccionaron os destinos que se ofertaron pola orde de prelación que consideraron, non resultaron adxudicatarios/as de ningún destino polo que optaron ou renunciaron á dita elección.

Tamén se recolle na base novena que as persoas aspirantes que, dentro do prazo fixado, non presenten a documentación, ou do exame dela se deduza que carecen dalgún dos requisitos para participar neste proceso selectivo, non poderán ser nomeados/as persoal estatutario fixo e quedarán anuladas as súas actuacións, sen prexuízo da responsabilidade en que incorresen por falsidade na solicitude inicial.

Segundo. Nomear como persoal estatutario fixo do Servizo Galego de Saúde nas categorías/especialidades de enfermeiro/a especialista en enfermaría familiar e comunitaria, enfermeiro/a especialista en enfermaría pediátrica, enfermeiro/a especialista en obstetricia-xinecoloxía (matrón/a), fisioterapeuta e terapeuta ocupacional as persoas aspirantes que se inclúen no anexo desta resolución logo de acreditaren o cumprimento dos requisitos establecidos e de realizar a elección de destino segundo o previsto nas bases 9 e 10 das convocatorias dos procesos selectivos.

Adxudicarlles aos/ás ditos/as aspirantes, con carácter de destino definitivo, a praza que figura no indicado anexo.

Terceiro. Declarar finalizados os procesos selectivos para o ingreso, polo sistema de concurso-oposición, nas categorías de enfermeiro/a especialista en enfermaría familiar e comunitaria, enfermeiro/a especialista en enfermaría pediátrica, enfermeiro/a especialista en obstetricia-xinecoloxía (matrón/a), fisioterapeuta e terapeuta ocupacional, convocados polas resolucións do 15 de decembro de 2022, sen prexuízo do previsto na base 10.4 das resolucións de convocatoria para o suposto de situacións en que as persoas seleccionadas por diversos motivos non continúen no proceso.

Cuarto. Os/as aspirantes nomeados/as disporán do prazo dun mes, contado desde o día seguinte ao da publicación desta resolución no Diario Oficial de Galicia, para incorporarse á praza adxudicada. A toma de posesión da praza efectuarase no centro de xestión ao cal pertenza esta.

A falta de incorporación no prazo referido, cando sexa imputable ao/á interesado/a e non responda a causas xustificadas, producirá o decaemento do seu dereito a obter a condición de persoal estatutario fixo como consecuencia do concreto proceso selectivo.

No entanto, nos casos de forza maior, e por instancia da persoa interesada, a Dirección Xeral de Recursos Humanos do Servizo Galego de Saúde poderá prorrogar o prazo de toma de posesión. A incorporación ás prazas adxudicadas levará aparellado o cesamento do persoal temporal que, se é o caso, as ocupe, de acordo cos criterios de incorporación e cesamento vixentes.

Quinto. De conformidade coa disposición adicional segunda do Decreto 70/2017, do 13 de xullo, polo que se regula a formación en igualdade e prevención e loita contra a violencia de xénero do persoal ao servizo da Administración da Comunidade Autónoma de Galicia, como condición para o perfeccionamento do nomeamento que se expida, os/as aspirantes seleccionados/as deberán realizar, con carácter obrigatorio, e nun prazo non superior aos seis meses contados desde a data de publicación do correspondente nomeamento como persoal estatutario fixo no Diario Oficial de Galicia, as actividades formativas para a obtención do nivel básico de coñecemento en materia de igualdade de xénero e prevención e loita contra a violencia de xénero que recolle o artigo 157 da Lei 7/2023, do 30 de novembro, para a igualdade efectiva de mulleres e homes de Galicia.

Non terán que realizar esta actividade formativa os/as aspirantes seleccionados/as que a realizasen con anterioridade, se consta rexistrada en Fides/expediente-e e foi debidamente validada.

Sexto. Contra esta resolución, que pon fin á vía administrativa, poderase interpor recurso potestativo de reposición, ante esta dirección, no prazo dun mes, contado desde o día seguinte ao da súa publicación no Diario Oficial de Galicia, de conformidade co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou poderase impugnar directamente na xurisdición contencioso-administrativa, nos termos da Lei 29/1998, do 13 de xullo.

Santiago de Compostela, 6 de outubro de 2025

María del Mar Pousa Cobas
Directora xeral de Recursos Humanos

ANEXO
Relación definitiva de adxudicatarios/as e destinos

Enfermeiro/a especialista en enfermaría familiar e comunitaria

DNI	Apelidos e nome	Centro directivo	Centro	Concello	Quenda
***5601**	Beiro Martínez, Carlos Denis	A.S. de Ourense, Verín e O Barco de Valdeorras	O Bolo con gardas	Bolo, O	Mañá
***7095**	Couto Catoira, Xurxo	A.S. da Coruña e Cee	Oleiros-Perillo	Oleiros	Mañá
***0042**	Domínguez Fernández, Mercedes	A.S. da Coruña e Cee	Casa do Mar	Coruña, A	Mañá
***8553**	Fraga Deus, Melania	A.S. de Ourense, Verín e O Barco de Valdeorras	Laza	Laza	Mañá
***6593**	Garrote Recarey, Ana	A.S. de Ourense, Verín e O Barco de Valdeorras	Valle Inclán	Ourense	Desprazable
***5561**	González Martínez, Belén	A.S. de Ourense, Verín e O Barco de Valdeorras	Novoa Santos-O Couto	Ourense	Mañá
***4625**	López Villar, María	A.S. de Lugo, A Mariña e Monforte de Lemos	Fingoi-Nadela	Lugo	Mañá
***8827**	Martínez Patiño, Beatriz	A.S. de Vigo	Covelo	Covelo	Mañá
***4804**	Paz Mazoy, Beatriz	A.S. de Lugo, A Mariña e Monforte de Lemos	Sarria	Sarria	Mañá
***9073**	Quintairos Estévez, María Nieves	A.S. de Ourense, Verín e O Barco de Valdeorras	O Barco	Barco de Valdeorras, O	Desprazable
***4640**	Ramos Ons, Paula	A.S. de Santiago de Compostela e Barbanza	As Fontiñas	Santiago de Compostela	Desprazable
***7647**	Rey Grandal, María	A.S. de Vigo	A Doblada	Vigo	Tarde
***6971**	Rodríguez Longueira, Silvia	A.S. de Vigo	Teis	Vigo	Tarde
Enfermeiro/a especialista en enfermaría pediátrica
DNI	Apelidos e nome	Centro directivo	Centro	Concello	Quenda
***5254**	Álvarez Fraga, María Asunción	A.S. de Santiago de Compostela e Barbanza	Complexo Hospitalario Universitario de Santiago	Santiago de Compostela	-
***3550**	Campillo Villamor, Irene	A.S. de Vigo	Complexo Hospitalario Universitario de Vigo	Vigo	-
***1474**	Costas Malvido, Silvia	A.S. de Pontevedra e O Salnés	Complexo Hospitalario Universitario de Pontevedra	Pontevedra	-
***6340**	Diz Andre, Iria Luisa	A.S. de Vigo	Complexo Hospitalario Universitario de Vigo	Vigo	-
***6763**	Fernández Bugallo, Rosalía	A.S. da Coruña e Cee	Complexo Hospitalario Universitario A Coruña	Coruña, A	-
***4365**	Fernández López, Eva	A.S. de Lugo, A Mariña e Monforte de Lemos	Complexo Hospitalario Universitario de Lugo	Lugo	-
***7232**	Rodríguez Capon, Adriana	A.S. de Pontevedra e O Salnés	Complexo Hospitalario Universitario de Pontevedra	Pontevedra	-
Enfermeiro/a especialista en obstetricia-xinecoloxía (matrón/a)
DNI	Apelidos e nome	Centro directivo	Centro	Concello	Quenda
***1303**	Álvarez Fernández, Rosa María	A.S. de Vigo	Complexo Hospitalario Universitario de Vigo	Vigo	-
***7329**	Calviño Ríos, Rocío	A.S. da Coruña e Cee	Complexo Hospitalario Universitario A Coruña	Coruña, A	-
***8082**	Miniño González, Rita	A.S. de Pontevedra e O Salnés	Complexo Hospitalario Universitario de Pontevedra	Pontevedra	-
***0776**	Prieto Padín, Marta	A.S. de Ourense, Verín e O Barco de Valdeorras	Hospital Público de Valdeorras	Barco de Valdeorras, O	-
Fisioterapeuta
DNI	Apelidos e nome	Centro directivo	Centro	Concello	Quenda
***6455**	Becerra Sexto, Lucía	A.S. de Santiago de Compostela e Barbanza	Complexo Hospitalario Universitario de Santiago	Santiago de Compostela	-
***5089**	Cabanas Rodríguez, Hermes	A.S. de Ourense, Verín e O Barco de Valdeorras	Hospital Público de Verín	Verín	-
***4517**	Diz Gómez, Ana Isabel	A.S. de Pontevedra e O Salnés	Complexo Hospitalario Universitario de Pontevedra	Pontevedra	-
***3277**	Ferrero Refojos, Paola	A.S. de Vigo	Complexo Hospitalario Universitario de Vigo	Vigo	-
***3566**	Moscoso Díaz, Rebeca	A.S. de Ourense, Verín e O Barco de Valdeorras	Hospital Público de Verín	Verín	-
***8534**	Paradela Sanda, Marcos	A.S. de Ourense, Verín e O Barco de Valdeorras	Hospital Público de Verín	Verín	-
***7334**	Rey Romero, Jorge Juan	A.S. de Ferrol	Complexo Hospitalario Arquitecto Marcide	Ferrol	-
***3533**	Sastre García, Enrique	A.S. de Santiago de Compostela e Barbanza	Complexo Hospitalario Universitario de Santiago	Santiago de Compostela	-
Terapeuta ocupacional
DNI	Apelidos e nome	Centro directivo	Centro	Concello	Quenda
***5674**	Reboredo Rodríguez, Jesús Manuel	A.S. de Ferrol	Complexo Hospitalario Arquitecto Marcide	Ferrol	-
(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.