Dentro das actividades programadas para o ano 2025 no plan de formación aprobado polo seu Consello Reitor, e conforme as funcións atribuídas pola Lei 1/2007, do 15 de xaneiro, da Academia Galega de Seguridade Pública, en colaboración coa Asociación de Jefes y Directores de Seguridad de España (AJDSE), anúnciase a convocatoria da Xornada sobre aspectos prácticos da seguridade pública e privada, conforme as seguintes bases:

1. Datos da actividade.

Denominación: Xornada sobre aspectos prácticos da seguridade pública e privada.

Modalidade: presencial.

Obxectivo:

O obxectivo é analizar e comprender a interacción e complementariedade dos sistemas de seguridade en España, estudando a relación entre a seguridade pública e a seguridade privada, así como os diferentes niveis de coordinación policial, actualizar coñecementos sobre o seu marco normativo e xurídico, así como identificar os retos e as oportunidades derivadas das novas tecnoloxías na prestación de servizos de seguridade.

Contidos:

– Importancia da colaboración entre a seguridade pública e a seguridade privada. Modelo de coordinación de policías locais en Galicia.

– Exercicio da cesión de información ante as FCS. Conciliación. Dereitos fundamentais á seguridade e á liberdade. Principios xerais e doutrina xurídica aplicable.

– O modelo policial español. A importancia das xuntas locais de seguridade na prevención do delito e mantemento da seguridade cidadá. As xuntas autonómicas de seguridade. O papel das policías autonómicas, unidades adscritas do Corpo Nacional de Policía, Corpo Nacional de Policía e Garda Civil nos ditos ámbitos.

– O modelo español da seguridade privada. Presente e futuro da súa regulación. As novas normativas como NIS2.

– A formación permanente do director de seguridade, novas competencias e habilidades directivas no mundo virtual.

As novas tecnoloxías nos servizos de seguridade privada e seguridade pública.

2. Persoal destinatario.

Persoal das forzas e corpos de seguridade.

3. Número de prazas.

Sen límite.

4. Prazo de inscrición e presentación.

O prazo de inscrición e presentación de solicitudes de participación comezará o día seguinte ao da publicación desta resolución no DOG e rematará o 7 de novembro de 2025.

A listaxe de persoas seleccionadas será comunicada ao persoal admitido para a súa realización a través do espazo web persoal da http://agasp.xunta.gal

5. Desenvolvemento da actividade.

Lugar: Auditorio Abanca (Santiago de Compostela).

Data: 13 de novembro de 2025.

Horario lectivo: 9.30-14.30 horas.

6. Modificacións e incidencias.

A Academia Galega de Seguridade Pública poderá modificar o desenvolvemento normal da actividade para adaptala ás necesidades da Administración e ás continxencias que poidan xurdir.

A Estrada, 17 de outubro de 2025

Santiago Villanueva Álvarez
Director xeral da Academia Galega de Seguridade Pública