O Pleno da Corporación, en sesión ordinaria que tivo lugar o 29 de setembro de 2025, aprobou inicialmente a modificación puntual das normas subsidiarias de planeamento de Vila de Cruces, para os efectos de delimitar o núcleo rural de Cumeiro, no concello de Vila de Cruces.

De conformidade co disposto no artigo 191 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro, sométese a información pública, por un prazo de dous meses, que comezarán a contar a partir da publicación deste anuncio no Diario Oficial de Galicia.

Durante o dito prazo poderá ser examinado por calquera interesado nas dependencias municipais para que se formulen as alegacións que se consideren pertinentes. Así mesmo, estará á disposición dos interesados na sede electrónica deste concello [http://viladecruces.sedelectronica.es], así como na seguinte ligazón: https://nextcloud.viladecruces.gal/s/6oNB3PwpCFjB9XK

Vila de Cruces, 7 de outubro de 2025

Luis Celso Taboada Sánchez
Alcalde