De conformidade coa proposta elevada polas comisións nomeadas para xulgar os concursos para a provisión de prazas dos corpos docentes universitarios, convocados mediante a Resolución desta universidade do 7 de xullo de 2025 (BOE do 15 de xullo), e presentada polas persoas interesadas a documentación a que fai referencia a base novena da convocatoria,

Este reitorado, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e polo artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolve efectuar os nomeamentos das persoas que se relacionan no anexo.

Os citados nomeamentos producirán efectos a partir da correspondente toma de posesión polas persoas interesadas, que deberá efectuarse no prazo máximo de 20 días contado desde o día seguinte ao da publicación desta resolución no Boletín Oficial del Estado.

No caso de que a persoa aspirante estea en situación de incapacidade temporal, o prazo para a toma de posesión comezará a partir do día seguinte hábil á data de finalización da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, en que poderán tomar posesión durante esta situación.

Contra esta resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contado desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non se dite a resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 24 de outubro de 2025

Antonio López Díaz
Reitor da Universidade de Santiago de Compostela

ANEXO

Número concurso	Nome	Apelidos	DNI	Corpo docente	Área de coñecemento	Departamento	Localidade	Código da praza
9T/25	Marta	Otero Crespo	***0479**	Profesoras e profesores titulares de universidade	Dereito Civil	Dereito Común	Santiago de Compostela	C02067
15T/25	María Monserrat	Pena Presas	***5807**	Profesoras e profesores titulares de universidade	Didáctica da Lingua e da Literatura	Didácticas Aplicadas	Santiago de Compostela	C02073
16T/25	Pablo	González Sequeiros	***7610**	Profesoras e profesores titulares de universidade	Didáctica da Matemática	Didácticas Aplicadas	Lugo	C02074
32T/25	Tamara	Bouso Rivas	***4757**	Profesoras e profesores titulares de universidade	Filoloxía Inglesa	Filoloxía Inglesa e Alemá	Santiago de Compostela	C02090
33T/25	Zeltia	Blanco Suárez	***2170**	Profesoras e profesores titulares de universidade	Filoloxía Inglesa	Filoloxía Inglesa e Alemá	Santiago de Compostela	C02091
45T/25	Paula	Álvarez González	***6955**	Profesoras e profesores titulares de universidade	Organización de Empresas	Organización de Empresas e Comercialización	Santiago de Compostela	C02103