En cumprimento do previsto no artigo 152.8.b) do Regulamento xeral de costas, aprobado polo Real decreto 876/2014, do 10 de outubro, faise público que se está a tramitar a seguinte solicitude de autorización de vertedura:

Solicitante: Logística de Carburantes Petrolíferos Group, S.L.

NIF: B-70488572.

Expediente: DH.V15.110633.

Lugar: estrada N-651, p.q. 2+200, marxe dereita.

Parroquia: Tiobre.

Concello: Betanzos.

– Tipo de vertedura 1: augas residuais industriais depuradas.

Caudal máximo anual 1: 946,16 m³/ano.

Punto de vertedura 1: X=563.758; Y=4.793.556.

Medio receptor 1: ría de Ares-Betanzos.

Tratamento/evacuación 1: as augas residuais industriais xeradas nas zonas de surtidores e descarga, xunto coas augas residuais industriais xeradas na cabina e na ponte de lavado pretratadas nun areeiro, son depuradas nun decantador seguido dun separador de hidrocarburos de clase I de 10 l/s de capacidade, cuxo efluente se conecta, xuntamente coas pluviais non afectadas, a unha canalización existente na zona, vertendo finalmente á ría de Ares-Betanzos.

– Tipo de vertedura 2: augas residuais fecais depuradas.

Caudal máximo anual 2: 264,26 m³/ano.

Punto de vertedura 2: X=564.081; Y=4.793.538.

Medio receptor 2: infiltración no terreo (cunca da ría de Ares-Betanzos).

Tratamento/evacuación 2: as augas residuais fecais xeradas nos vestiarios e aseos son tratadas nunha fosa séptica de decantación-dixestión deseñada para 8 habitantes equivalentes, antes da súa vertedura por infiltración no terreo mediante pozo filtrante.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administración públicas.

Santiago de Compostela, 19 de setembro de 2025

Leticia Valladares López
Xefa da Área de Verteduras