De conformidade co disposto no artigo 48 da Lei 21/2013, do 9 de decembro, de avaliación ambiental (BOE núm. 296, do 11 de decembro), faise público que mediante a Resolución do 28 de outubro de 2025, da Consellería do Mar, se lle outorgou a Proameixa Fernández, S.L., unha concesión temporal de carácter experimental nas cuadrículas 95, 96 e 97 do polígono Caramiñal-B, na ría de Arousa. A finalidade do proxecto é o cultivo experimental de preengorda de ameixa en batea.

O informe de impacto ambiental do proxecto fíxose público mediante o Anuncio do 9 de outubro de 2025, da Secretaría Xeral de Calidade e Avaliación Ambiental, publicado no Diario Oficial de Galicia núm. 205, do 23 de outubro.

Santiago de Compostela, 29 de outubro de 2025

Cándido Rial Rodríguez
Director xeral de Pesca, Acuicultura e Innovación Tecnolóxica